لا يريد 1
_ بصي أنا جاية أتكلم معاكى فى كده، أنا مقتنعه بكل اللى قولتيه أمبارح، بس أنا لسه مش قادرة أخد قرار فى نقطة زى دى بسهولة، لما أقرر أتحجب ف ده لازم يكون من جوايا علشان مش عايزة أتخنق فى يوم أو أرجع فيه، مش هنكر كلامك أثر فيا جداً لكن واحدة واحدة عليا، أنا مش بمر بحاجة هينه أنا حياتى كلها أتلغبطت، ف بصي أنا بدأت ألبس واسع وبكم طويل ويارب يكون ده بداية الطريق، وغيرت لون شعرى علشان محدش يعرفنى أوى خصوصاً أن هنا فى الحارة مش بيستخدموا السوشيال ميديا على طول وكمان محدش شافنى باللوك القديم .
أبتسمت سارة بحنان بالغ وقالت : _ واحدة واحدة وأنا فى ضهرك إن شاء الله، وربنا يهديكى ويهدينى إن شاء الله. _ أممممم، مشوفتيش ياسين علشان … علشان خبط عليه مفتحش. _ لأ والله جايز نايم . _ أحتمال، فين مالك؟ _ أكيد عند أم عمر . _ بتحبه أوى، أكيد شوية كده وهتاخده وتطلع تقعد مع مامى، ريحان بتستنى أم عمر كل يوم على نــ,,ـــــار علشان تقعد تحكيلها أسرار الحارة . ضحكت سارة على ضحكة ورد مردفة :
_ مسكــ,,ـــــينة أم عمر من وقت سفر ابنها وهى لوحدها. لترد ورد : _ سافر فين؟ _ سافر برة مصر يشتغل ومن وقتها بيتصل بيها كل فين وفين وياقلبي ملهاش غيرنا زى هنا خصوصاً أن أختها كريمة أم ياسين فى محافظة تانية . _ اااه ربنا يطمنها عليه. _ يارب. لمح دخول ورد محل سارة، فتعجب من تلك الغريبة عن المنطقة ليسأل أحد صبيانه . _ ولا يا مرسي. _ نعم يا معلم سعيد .
_ مين الغزال اللى دخل عند أم مالك هناك ده؟ _ معرفش يا معلمى أنا أول مرة اشوفها. _ طب غور من وشي لما أشوف مين دى . تحرك نحو المحل ليبتسم بإستفزاز . _ دا إيه الصباح اللى زى القمر ده . ألتفتت له ورد بعد أن كانت مولياه ظهرها لترد عليها سارة ببرود . _ خير يا معلم، عايز حاجة ؟ كان يتحدث مع سارة ولكن يتفحص كل إنش فى ورد. _ لا أبدا أنا بس قولت دا فوج سياحي دخل الحارة وأحنا منعفرفش ولا إيه مين الغزال ده يا أم مالك ؟
كانت سترد لكن تفاجئت ب رد التى أمامها . _ أنت يا حيوان أنت بتبصلي كده ليه؟ وضعت سارة يدها على فمها تحاول كتم ضحكتها خصوصاً بعد رؤية فزع سعيد من طريقة ورد . _ الله الله، مالك يا سنيورة، وليه الغلط ده ؟ _ أنت لسه شوفت غلط يا زبالة، أنت فاكرنى هسيبك تبصلي بطريقتك الزبالة دى وهسكتلك. _ ما تصلي على النبي يا أمورة، الناس هتتلم علينا وأنا مش عايز أغلط فيكى .
