الرواية ج1

ثم أكملت “ريم” قائلة :
-بت يا عبقرينو انتي شوية الزعل دول علشان تهربي مني ومتعرفنيش قبضتي كام تمن البرنامج دة ..

ضحكت “ريحانة” قائلة :
-لو سؤالك علشان عزومة الغدا انا مش ناسية ..

حينها ضحكت “رنيم” وريم” قائلة :
-حبيبتي يا ريحانتي .. ايوة كدة .. دة انا حتى عرفت يوسف اننا هنكون مع رنيم النهاردة .. ولو انه فضل يقولي ماهي بنت بردو .. بس انا قلت له متخفش دة انا ورنيم بميت راجل ..

ردت “رنيم” قائلة :
-على فاكرة اخوكي دة يحكم عليكي او على ريحانة .. لكن ملوش حكم عليا .. وبعدين هتحسدي البت على تمن البرنامج .. على أساس ان حسابك في البنك صفر ..

شهقت “ريم” باصطناع قائلة :
-اه ايه دة بتحسديني يا ام عيون واسعة وكحيلة ..

ساد صمت مجددا .. قطعته “ريم” هذه المرة وهي تقول :
-لو زعلتي يا رنيم هقفل ..

ردت “رنيم” بصوت محايد :
-مزعلتش ..

فقالت “ريم” :
-طيب سلام عليكم ..

أوقفتها “رنيم” بحزم :
-قلت مزعلتش .. بطلي حركات العيال دي …

صمت للمرة الثالثة .. وكل منهن تعلم أن “ريم” أصابت وترا حساسا لدى “رنيم” .. فالحديث عن شكلها أو وصف جمالها يزعجها لدرجة مؤلمة .. ولم تعلم “رنيم” أن ما تفعله “ريم” لم يكن أبدا خطأ غير مقصود .. بل دائما تتعمد ذكر ذلك على سبيل المرح .. تريد أن ترى “رنيم” فرِحة بجمالها أو حتى مغرورة به .. لن تلومها .. ولكن أن يصبح جمالها عقدة تعرقل مسير حياتها … شئ تلوم “رنيم” عليه ولكن بلا جدوى …

وبذهن “ريحانة” تدور نفس خواطر “ريم” .. فلـ “رنيم” بقلبيهما مكانة خاصة .. تأبى كلتاهما رؤيتها كذلك .. ويكأنها دميمة تخشى رؤية الناس لوجهها ..

قطع الصمت “ريحانة” وهي تقول :
-هتعدي عليا امتى يا نيمو ..

ردت “رنيم” بصوت مخنوق :
-هعدي على ريم اول في طريقي وبعدين نعدي عليكي ان شاء الله يا حبيبتي .. مش هنتأخر عن 3.30معلش تحاولي تستنينا الفترة دي في مكان تحسي انك مطمنة فيه اتفقنا ..

لم تفت نبرة “رنيم” أذنيهما .. ولكن “ريم” ردت قائلة :
-معلش يا نيمو .. انا هروح لريحانة وانتي تعدي علينا هناك علشان متكونش لوحدها …

ابتسمت “ريحانة” باطمئنان وكذلك “رنيم” ردت :
-خلاص اتفقنا ..

عادت كل منهن لعملها وفي عقلها تدور أشياء اخرى غير التي كانت قبل المكالمة .. ولكن كانت “ريم” أشدهن حزنا .. فلا هي ساعدت “رنيم” على تجاوز مشكلتها .. ولا هي رسمت بسمة على وجهيهما كعادتها .. بل كانت سببا في ما حدث .. ولكنها لن تيأس .. تعلم جيدا كيف تسعد كلتيهما ثانية ..