رسم 5الاخير
نهضت تقف أمامه بملامح نادمة.. تعلم ان كل الكلمات لن تشفع.. وانها ليست بشئ مقارنة بما حدث من قبل
” مش بعتذر عشان تنسى.. صدقني.. والله العظيم وحياة إبني اللي هموت واشوفه لأنه حتة منك أنا ندمانة على كل حاجة عملتها.. بتمنى أمنية غبية وهي ان الزمن يرجع.. عشان ماحسسكش الإحساس دا تاني.. مش عايزاك كمان تسامحني لاني عارفة انه صعب بس عايزاك تفكر في ابننا.. انا مش عايزاه يتربى بعيد عن حد فينا يابكر.. أنا مستعدة أفضل عايشة في البيت دا لخدمتك وبس.. مستعدة أعيش هنا خدامة لكن بلاش تبعدنا عن بعض”.
ظل يطالعها من جلسته بلا رد فعل
وجهه جامداً لا يحيد بعيداً عنها ثم نهض ببطئ يتخطاها لداخل الغرفة يبتعد عن مدارها
هي مثل اللهب تجذبه دون إرادة منه.
***
وجدته يدلف عليها الغرفة بإبتسامة يغلق الباب خلفه ويقترب.. يفترش الفراش بجانبها ف رمقته متسائلة : انت هتبات هنا؟
حرك رأسه بحيرة : في مشكلة
نفت واستدارت تعطيه ظهرها.. تغمض عينيها بقوة بينما هو يقترب يسير بأنامله فوق ذراعها العاري يهمس بجانب اذنها بدفئ : مش ناوية تقوليلي إيه اللي مضايقك
أبعدت ذراعها عنه : قولتلك مافيش حاجة ياعُدي
زفر بعنف
“يعني مش زعلانة عشان خالتو سافرت؟”
إستدارت له برأسها هاتفة : مش زعلانة.. براحتها.. كل واحد حر يعمل اللي عايزه.. هي بتعاقبني وانا مابقتش حمل عقاب من حد
“إنتِ اللي حكيتي كل حاجة.. ماكنش لازم..”
أوقفته صائحة وهي تعتدل جالسة : هتقول عليا غبية.. مابفهمش.. انا غبية ياعُدي.. بالله عليك انا مش حِمل لوم وزعيق
رفع كفيه يهدئها : طيب إهدي.. أنا مش هلوم ولا هزعق يا لينا.. انا عايز أعرف مالك لأن حالتك مش عجباني
“قولتلك أنا كويسة”
هتفتها بحدة فأومأ لها ثم اقترب بعبث يطبع قبلة فوق ذراعها : طيب إنتِ وحشتيني.. هو أنا ماوحشتكيش
ارتجف جسدها إثر لمسته..
اشتاقته؟!!! هذه الكلمة قليلة على ما تشعر به الآن
لكنها أبعدته وعادت تستدير.. ترفع الغطاء حتى خصلاتها هامسة : تصبح على خير
تنهد بيأس وتراجع يستند على ظهر الفراش ويراقبها بعقل منشغل.. لا يعرف ماذا أصابها في غيابه.
***
وقفت بجانبه أمام المرآه تتمم على زينتها وتحكم له إغلاق قميصه
يتدلل مؤخراً.. يجعلها تفعل له كل شئ وذلك لا يغضبها أبداً
بل تسعد لذلك رغم توتره وقلقه المستمرين حتى الآن.
طبع قبلة قوية فوق وجنتها ويده تتسلل لظهرها
“إيه ياناس الجمال دا بس”
ابتسمت له من خلال المرآه ف جذبها له قائلاً بحدة : مش عايزك تسيبيني طول ما احنا هناك يامريم.. مفهوم
