رسم 5الاخير
***
استيقظت في الثانية عشر ظهراً تشعر بألم شديد في ثائر جسدها
نهضت ببطئ تبدل ملابسها وتجمع اشيائها في الحقيبة
ثم خرجت تهبط للأسفل..
المنزل خالي إلا منها والخادمة التي خرجت من المطبخ
“صباح الخير يا مدام أعملك فطار”
نظرت حولها بتساؤل : هي ماما مشيت
أومأت لها فتابعت : خلاص انا همشي وانتِ اجازة لحد ما ترجع.
***
وقف جوارها يتابع ما تفعله..
هي بكل تفاصيلها تخطفه
“في حد يفطر الساعة 1 بعد الضهر”
نظرت له بإبتسامة : ايوة واحد كسول مابيقومش من السرير
طبع قبلة فوق كتفها العاري
“طب بزمتك حد يبقى نايم جنبه الحلاوة دي كلها ويقوم”
استدارت تتعلق بعنقه تحرك رأسها نافية ف يختطف شفتيها في قبلة ناعمة
إبتعدت تعود لتقطع الخيار بشرود قَلِق..
تخشى أن تنتهي تلك السعادة مبكراً
وعلى ذلك الحب ان يخمد
اعاد خصلة من شعرها للخلف سائلاً : مالك..؟!
ألتفتت له بكامل جسدها
ترفع عينيها الدامعة له هامسة : خايفة..
“من إيه ياحبيبي؟”
سألها بقلق ف اجابته : خايفة السعادة اللي انا فيها دي تنتهي
احاط خصرها بذراعيه يحتضنها
“وإيه اللي هينهيها بس”
أخفضت عينيها فأدرك ثم عادت تنظر له
“أنت بالنسبالي بقيت نص ياعُدي.. زمان كنت ليا لوحدي لكن دلوقتي..”
قاطعها بأن همس بصدق : قلبي ليكِ كامل.. ماحدش يقدر يمسه غيرك.. مافيش واحدة غيرك تقدر تاخد فيه سنتي واحد
“بجد ياعُدي.. يعني بعد المدة دي كلها ماقدرتش تحبها؟”
تنهد بقوة واستند لجبهتها يجيبها : ماحبتهاش يارُبا.. ومش هحبها… اطمني.. انا مافيش في قلبي غيرك
ابتعدت قليلاً تقول : طب ممكن اعرف إمتى هنخلص من المسلسل السخيف دا
قطب حاجبيه بدهشة : مسلسل إيه
“جوازك منها ياعُدي.. هتطلقها أمتى؟”
زفر بغضب : رُبا إحنا متفقين من البداية.. انا مش هطلقها
قطع حديثهم صوت باب يُغلق بعنف فأنتفضت رُبا تتعلق بذراعه : إيه الصوت دا
خرجا سوياً من المطبخ.. باب غرفتهم مفتوح والأخر مغلق منذ فترة لا يفتحه أحد
لكن الضوء المنبعث من أسفل الباب جعله يدرك انها عادت
“دي لينا”
زفرت بضيق وتركته لتعود إلى المطبخ بيننا توجه هو إليها.. فتح الباب ف وجدها تفرغ الحقيبة بوجوم
اقترب منها : حمدلله ع السلامة
أومأت بصمت وهي لا تنظر له فتابع : ماقولتليش ليه إنك جاية.. كنت جيت جبتك
