رسم 5الاخير
تجعد جبينها بإعتراض مندهش : إزاي يعني مش كانت حامل..؟!!!
“عندها مشكلة في الرحم.. الحمل مش بيكمل للأسف وانا يوم ماقالتلي كان يوم فرحنا.. سيبتها وسافرنا ولما رجعت لقيتها واحدة تانية معرفش إيه اللي حصلها.
أومأت له بتفهم : أنا فهمتك ياعُدي… وآسفة لو ضايقتك بكلامي
إبتسم بإمتنان وعاد يجذبها لحضنه : أنا كنت عارف إنك عاقلة.. وهتقدري إحساسي.
***
في اليوم التالي كان خلف مكتبه يعبث بهاتفه
يشاهد تحركاتها بعينين غاضبة.. إلى أين تذهب
فقد ظهر له على تطبيق خاص وضعه على هاتفها بدون علمها وأوصله بهاتفه..
يراقب تحركاتها
والآن خرجت من الجامعة وتوجهت لمكان لا يعلمه
ظل جالساً يحاول الإنشغال بالعمل
لكن أفكاره السيئة تدور بعقله دون رحمة ف إنتفض يخرج من الشركة
وتوجه إلى العنوان المتواجدة به ليجدها تخرج من البناية برفقة سيدة لا يعرفها
هبط من سيارته وتوجه ناحية بواب العقار
وبعد حديث قصير علم ان تلك طبيبة نفسية تعمل في عيادتها الخاصة بالدور الرابع..!!
***
جلست أمام الطبيبة بغيظ تهتف : بدلت كل حاجة من مكانها.. كأن البيت بقا ليها لوحدها
ثم تابعت بغضب :أنا مفروسة وخايفة اتصرف تصرف يزعل عُدي
رفعت عينيها لنهال عندما طال صمتها
“انتِ ساكتة ليه ماتقوليلي حاجة”
همست بهدوء سائلة
“عايزة رأي الدكتورة ولا الصديقة؟”
“الصديقة طبعاً”
اقتربت منها تنحني لتقترب من وجهها : البيت دا بتاعك ولا بتاعها يا لينا..؟
حركت رأسها بجهل : ماقدرش أقول انه بتاعي لوحدي.. هي بقت بتشاركني فيه
“وليه مايجبلهاش بيت لوحدها.. ليه مقعدها معاكِ في بيتك اللي إنتِ فرشاه على ذوقك؟”
“حالياً الميزانية ماتسمحش.. ”
فردت نهال ذراعيها : يبقى خلاص.. اتمردي يا لينا
نظرت لها بتساؤل جاهل فتابعت : دا جوزك ودا بيتك حتى لو ليكِ فيهم النص.. خديهم من بوء الأسد.. دا حقك
” أيوة يعني أعمل إيه بردو”
نهضت نهال من فوق المقعد تدور في الغرفة ثم استدارت تنظر لها : هسألك سؤال وجاوبيني عليه بكل صراحة.. ليه مابتحاوليش تلفتي نظره ليكِ.. تخليه يحبك ويتعلق بيكِ
أجابتها لينا بيقين : عشان هو عمره ما هيحبني.. عُدي بيحب رُبا
ضحكة هازئة خرجت منها ثم اقتربت تعود للمقعد أمامها وتهمس بخبث : مافيش راجل مابيضعفش قدام ست جميلة.. دلوعة.. الرجالة كلهم نقطة ضعفهم الدلع والحنية
