رسم 5الاخير
“ايه الجو الكئيب دا” قالتها مريم بضيق استشعرته بمجرد ان دلفت إلى الغرفة
لم يلتفت أحد لها ف عادت تهتف : إيه يابنتي انتِ وهي انتوا قاعدين في عزا
اجابتها لينا بسخرية : يعني انتِ مش سامعة اللي بيتقال برة دا
ثم ضحكت بقوة : تخيلي ان انا اللي عاملة كل القلق دا
همست مريم بغيظ : بس مامتك معاها حق يا لينا.. حتى لو عندك مشكلة ف الخلفة ماينفعش توافقي يتجوز عليكِ.. وأزاي هو أصلاً يجرحك بالشكل دا
حركت رأسها بأسى : إنتِ مش فاهمة حاجة يامريم.. ماحدش عارف حاجة خالص.. عُدي كتر خيره لحد كدة
“ليه يعني هو بيمن عليكِ بجوازه منك ولا ماسك عليكِ ذلة.. انا مابحبش الضعف والمسكنة دي… زياد زمان لما سابني كنت بحبه بس عمري ماتمسك بحد مش عايزني.. كان ممكن اتمسك بيه بس كرامتي رقم واحد قبل أي شئ”
نهضت لينا بغضب صارخة : عايزاني أعمل إيه.. أطلب الطلاق.. اقوله يسيبني
” كان ممكن تعملي انك ترفضي جوازه من إسمها إيه دي في البداية”
فردت ذراعيها بقلة حيلة : أنا مش زيك يامريم.. أنا عمري ما كنت قوية أنا….”
صمتت لا تعرف بما تكمل حديثها..
أتخبرها انها معطوبة القلب والروح..
انها مذنبة ولا تقوى على الرفض.. انه ليس حقها وانها الدخيلة على حياته
بماذا تخبرها..!!!
سمعت صياح والدتها تهتف بها بغضب ف خرجت مهرولة ف جذبتها من ذراعها : يالا نمشي من البيت دا إحنا مالناش قعاد هنا أكتر من كدة
نظرت إلى خالتها المصدومة
” يا إلهام احنا بنتكلم.. كبري عقلك شوية”
“اكبر عقلي.. انتوا ماخلتوش فيا عقل انتِ وابنك.. حق إيه اللي بتتكلمي عنه ياسحر.. انا من البداية لما وافقت ع الجواز السريع كان عشان انا بحبه وعارفة اخلاقه انه هيحافظ على بنتي وهيصونها لكن عشان عندها مشكلة في الخلفة يتجوز عليها.. وكمان صاحبتها”
أوقفتها هي تهتف بحدة : أرجوكِ ياماما استني
انا مايرضنيش انكم تخسروا بعض بعد العمر دا كله عشاني..
ثم نظرتهم لهم جميعاً.. والدتها والدته التي تعلم ، أروى ومريم
ستفضي بكل شئ وينتهي ذلك الشجار
“الخلفة مش بس السبب الوحيد اللي خلاني أوافق ياماما… ”
“اسكتي يا لينا” هتفت بها خالتها توقفها ف هتفت : لا ياخالتو مش هسكت.. كفاية انا تعبت والله العظيم.. كل اللي بتعملوه دا مابيتعبش حد غيري
ثم نظرت لوالدتها تتابع بإصرار : عُدي ورُبا بيحبوا بعض من قبل مانا وعُدي نتجوز يا ماما.. من زمان رُبا بتحبه من أول ما شافته
عُدي لما اتجوزني ماتجوزنيش عشان بيحبني زي ما حضرتك فاهمة
عُدي اتجوزني عشان… عشان انا كنت حامل من عمار
