رسم 5الاخير
جذبته من قميصه بعنف صارخة : ماتقوليش إهدي
تطايرت أزار القميص بفعل جذبتها
حل الصمت على المكان
هو ينظر لقميصه المفتوح بصدمة
لينا إستندت على الجدار واضعة أناملها فوق فاهها
وهي تنتقل بعينيها بينه وبين أحد الأزار العالق بين أصابعها
رفع عينيه لها ف بادلته النظر بأسف وهي تشير إلى قميصه : الزراير فكت..
“إسمها الزراير إتقطعت.. إتقطعت يارُبا”
وإندفع إلى الخارج وهما خلفه..
توجه للمطبخ يدور به هاتفاً : فين الشاي والسكر
أشارت لينا لأحد الأدراج ف فتحه يأتي بيهم ويلقيهم من النافذة
“أدي الشاي والسكر… أرتحتوا”
صرخ بهم وخرج من المطبخ لينظران لبعضهم بغضب
“إنتِ السبب”
“إخرسوا بقاااا” عاد إليهم يرفع سبابته بتحذير
“إياك أسمع نفس واحدة فيكم النهاردة إيااااك”
جرس الباب انقذهم من غضبه ف ركضت رُبا تفتحه
بينما شهقت لينا بذهول عندما رأت الزائر
“ماما..!!!!”
ويكمل هو بشفاه ملتوية : كملت.
***
دلف على خالته الغرفة بعد ان اخبرته انها تريده بمفردهم
جلس بقابلتها قائلاً بترحيب ساخر : منورة ياخالتي
” مش باين يا روح خالتك.. أنت كنت بتتخانق ولا إيه؟”
“لأ أبداً دول قوتين اشتبكوا مع بعض ف كنت بحوش”
أومأت له متهكمة سرعان ما تحولت ملامحها لجدية : عايزاك في موضوع مهم
أمعن النظر لها ف أخفضت عينيها هامسة : في البداية عايزة أشكرك
رفع احد حاجبيه بجهل : على إيه مش فاهم؟!!
” على اللي انت عملته مع لينا.. أنا عارفة إنه ماكنش سهل عليك”
” أنا ماعملتش حاجة ياخالتو.. لينا أنا كنت بعتبرها أختي ودلوقتي هي مراتي.. ياريت تنسي اللي فات زي ماحنا نسيناه وتتقبلي الوضع”
حركت رأسها نافية : الوضع دا ماحدش يقبل بيه ياعُدي.. أنا أم وشايفة إنك هتظلم بنتي معاك.. إنت اتجوزت اللي بتحبك وبتحبها.. طلقها وسيبها هي كمان تحب وتعيش”
إنتفص واقفاً بغضب وغيرة تجتاحه.. لا يستطيع تركها..لا يمكنه تخيل أحد غيره يمتلكها كما يفعل هو
“هي اللي قالتلك الكلام دا؟”
لم ينتظر إجابتها وهتف بـ لينا ف أتت مهرولة على أثر زعقته
جذبها من ذراعها يوقفها أمامه..
بينه وبين والدتها
” قولي لماما يا لينا.. انا بظلمك؟”
دارت عينيها بينهم بحيرة ثم حركت رأسها نافية ف عاد يسأل : بتحسي بفرق بينك وبين رُبا؟
نفت مجدداً ف نظر لخالته بإبتسامة : أديكِ شوفتي بنفسك.. طلاق مش هطلق يا….
