طلاق 1
همت نهله بعد أن تأكدت من إبتعاد نورا بالسخريه من هيام كما تعتاد فهذه طبيعتها أن تتحدث عن الآخرين فإما على سبيل قضاء الوقت أو كرها لها …. نهله بسخرية بتدى الحصه بذمة أوى .. دة إنجليزي فى الآخر أمال لو بتدى حاجة صعبة شوية …!!!! مصمصت سعاد شفتيها وهى تجاريها بنفس نميمتها …. سعاد مش عارفة عامله فى نفسها ليه كدة دى مدرسة حكومة فى الآخر يعنى .. نهله على رأيك … بس تقولى إيه عايزة تعمل نفسها مهمه ….
وصلت نورا لنهاية الرواق لتجد صديقتها هيام مازالت تجلس بداخل الصف لم يبقى سواها تجلس إلى جوار فتاه صغيرة من تلميذاتها لتعيد إيضاح بعض النقاط التى لم تفهمها جيدا خلال شرحها للدرس …. عقدت نورا ذراعيها وهى تتجهم بصورة مضحكة تحاول إصطناع الجدية التى لا تليق بشخصيتها البشوشة … نورا إنت فين يا هيام الفسحه قربت تخلص ….!! إلتفت تلك الفتاة القمحية الفاتنة لتتجلى ملامحها الآخاذه التى تسترق العيون لحظة رؤيتها تتمتع بانوثة طاغية طويله ذات عيون سوداء براقة ذات شخصية قوية يحبها الجميع لاخلاقها العالية تتمتع ببحة صوت شجية وهدوء ورزانة بالحديث تجذب السامعين لها بدون توقف …
بإعتذار عن تأخرها أجابت هيام … هيام معلش يا نورا كنت بشرح الدرس دة تانى ل رؤى مكنتش فاهماه .. نورا طيب يا ستى .. و اديك ضيعتي الفسحه كلها .. حلت نورا عقده يديها مؤكدة على هيام … نورا المهم متنسيش ح تيجى معايا النهاردة زى ما إتفقنا … هيام والله يا نورا ح آجى معاك .. إنت بتفكرينى كل خمس دقائق إنت قلتيلى النهاردة ولا خمسين ستين مرة .. إتسعت إبتسامه نورا لتردف مازحه ..
نورا مش مهم خليهم واحد وستين … ح أستناكى فى المرواح نمشى سوا … هيام حاضر … هو أنا ليا غيرك يا دوشه دماغى إنت … نورا بحب حبيبتى .. أرسلت لها نورا قبله بالهواء منصرفه عنها بعدما سمعت صوت الجرس معلنا بدايه الحصه لتتوجه هى الأخرى للصف لتبدأ عملها … علت أصوات الضجيج بسماع صوت جرس إنتهاء الحصه الأخيرة و إنتهاء اليوم الدراسى … تحرك التلاميذ فى اندفاع وسرور إلى خارج أسوار المدرسه منصرفين إلى بيوتهم …
حملت نورا حقيبتها لمقابله هيام التى لم تنتبه لها لتركض بضع خطوات ممسكه بذراع هيام من الخلف لتنتفض هيام بتوتر من حركتها المفاجئة دون الإنتباه لها … هيام حرام عليك يا نورا مسيرك ح تمــ,,ـوتينى بحركاتك دى … ضحكت نورا عاليا مستنكره فزع هيام … نورا يا خوافه .. اتخضيتى لما مسكت إيدك !!!! .. أمال شخصيه قويه إيه ….!!! وحركات عاملاها لنا .. بالفعل لها شخصيه قويه مستقله لكنها تفزع من تلك الحركات المفاجئه التى لا تنفك نورا عن القيام بها …
