طلاق 1
إشتياق قلبه أعلنها حين وقعت عيناه العاشقتان عليها وهى تجلس بهدوئها وتألقها فوق أحد المقاعد الكبيرة تنتظر نورا .. عشــ,,ـق أضناه بقلبه و سلب عقله منذ سنوات تهدجت أنفاسه بسعادة لرؤيتها ليتحرك تلقائيا نحوها فى حين إنتبهت هيام لوقع تلك الخطوات التى تقترب منها فرفعت عيناها القاتمتين بسواد ليل ساحر لتبعثر ما تبقى من صلابته .. تلك البعثرة التى جعلته يفيق بقربه منها فقد ظن أنها لن تشعر بإقترابه وهو يتطلع بعشــ,,ـق تجاهها ليضطر بالتحدث مرحبا بها …
أمجد مضطربا ازيك يا هيام …. ااا …. نورا جايه … على طول اهى …. بإيمائه خفيفه وكلمات مقتضبه أجابته .. هيام شكرا … رجفه إجتاحته ليتبلع بقية كلماته وهو يردف بإرتباك شديد … امجد … اا … بعد اذنك … هيام إتفضل … لم تكترث هيام له فهى لا تهتم له أو لغيره مطلقا فهى هادئة رزينة للغاية لم يستطع أحدهم أن يستولى على عقلها أو قلبها من قبل لتتعامل مع كل تلك الأمور العاطفية بجدية تامة …
تركها أمجد وتكاد اندفاع دقات قلبه ت.ه فكم يعشــ,,ـق تلك الفتاة لقد أصبح متيم بها حقا يحلم بها ليل نهار ولا يفكر بشىء سواها …. بعد مرور عدة دقائق من إنتظار هيام لصديقتها أقبلت نورا وهى تمسك بساعه يدها تضعها فوق معصمها بعشوائية وهى تنظر نحو هيام بتأسف … نورا معلش والله يا هيام أسفه إتأخرت عليك … سخرت هيام من صديقتها التى تعتاد ذلك طوال الوقت … هيام و إيه الجديد يلا قدامى مش عايزة أتأخر على الدرس والوقت اللي باقى يا دوب نجيب إللي إنت عايزاه …
نورا طيب يلا .. ولو أنى كنت عايزة اعدى على أمل فى السكه أطمن عملت إيه .. بس يلا مش مهم … إتسعت عينا هيام بإندهاش لطبع نورا الفضولى الذى سوف يقحمها بمشاكل جمه لتردف بتضايق من تصرفاتها الغير محسوبة … هيام وبعدين معاك يا نورا مش حتبطلى بقى … مش كفايه آخر مرة كان ح يحصل لها مشكلة جامدة من تدخلاتك دى … إتسعت عينا نورا پصدمة فهى تلقائية للغاية لتردف بسلامة نواياها …
نورا أنا !!!!! …. أنا بتدخل !! ده أنا كنت بساعدها … تمالكت هيام ضيقتها فهى تدرك أن نورا طيبه للغاية لتردف بتفهم رغم معرفتها بأن صديقتها مخطئة … هيام والله عارفه إنك طيبه وعلى نياتك بس مش كل الناس بتفهم كدة .. وممكن تعملى لنفسك مشكلة … نورا والله ما بيكون قصدى كدة خالص … هيام عارفه .. بس حاولى تسكتى شويه وتبطلى التطوع إللى ملوش لازمه دة !!! … مش كل الناس نيتها طيبه زيك … فيه ناس جواها شړ رهيب وبوشين … ربنا يبعدنا عنهم …
