طلاق 1
هز كرم رأسه بإستحسان وهو يضم شفتيه ثم أردف … كرم لا … بس ذوقك اتحسن خالص أهو .. خلاص بقى مش محتاج مساعدتى دلوقتى … قالها يخف عن نفسه ضغط صديقه عليه بمساعدته بإختيار أثاث مناسب لتلك الشقه … إستقام ياسر بوقفته ليخرج نظارته الطبيه ليرتديها مجيبا صديقه بنهج من دفع تلك القطعه الثقيله من الأثاث ساخرا … ياسر وإنت تعرف عنى كدة !!!!! … أنا قلت أجرب يمكن كدة تنفع ويبقى شكلها عدل ..
بعتاب أردف كرم من غموض ياسر مع خطيبته … كرم مش ناوى تقول لخطيبتك برضه إنك ناوى تجيبها معاك هنا بعد الفرح ..! بقلة حيله أعاد ياسر إيضاح الأمر ل كرم عله يفهم طبيعتها الغريبه …. ياسر هى رافضه خالص موضوع السفر مرتبطه بأهلها واصحابها هناك .. ما إنت متعرفهاش دى حشريه جدااا … كرميا اخى حسن ملافظك إسمها اجتماعيه مش حشريه …!! ياسر بضحك بكرة تشوفها وتفهم قصدى … زم كرم شفتيه وهو يدفع ياسر بأصابع يده الطويله ينحيه جانبا متهكما من ترتيبه الغريب لتلك الغرفه …
كرم طب وسع كدة وإنت مبوظ الدنيا خلينى أساعدك نظبط اللخبطه إللى إنت عاملها دى … ياسر أه بالله عليك .. دة خلاص مش باقى غير أسبوعين على الفرح … كرم أهو ناخد فيكم ثواب .. أنا عارف بس خليتك تسكن فى وشى ليه …. قالها كرم ممازحا صديقه فيما أردف الأخير بمزاح مماثل …. ياسر من حبك فيا … كرم لا وإنت الصادق من بختى المنيل … اخلص وشيل معايا … ياسر حاضر يا بيه …
رغم بساطه ياسر وهدوء طبعه إلا أنه لا يتمتع بحس فنى على الإطلاق فدوما تكون اختياراته بذوق سئ جدا .. ولأن كرم أظهر تمتعه بذوق راقى فى إختيار الأثاث وتناسق الألوان أخذ يساعد ياسر فى شراء الأثاث المناسب لتأثيث هذه الشقه بما يناسب ألوانها … حيث استأجر صديقه ياسر هذه الشقه حديثا للإقامة بها حينما تحين عودته مرة أخرى مع زوجته بعد زفافهم … فقد جهز ياسر جميع الأوراق لمرافقه زوجته له فى البعثه بعد عقد قرانهما مباشرة منذ فترة طويله دون اخبارها فهى ترفض تماما فكرة السفر من الأساس ….
الفصل الثاني … كانت تلك الدقائق هى وقت راحتها المستقطع خلال النهار لتسرع بتبديل ملابسها بعد تناولها للطعام إستعدادا لإستكمال عملها الإضافى … تجهزت هيام مرتدية ملابسها الفضفاضة التى تتقصد إختيارها بهذا الشكل حتى لا تجذب الأنظار إليها خاصة أنظار الطامعين فيها رفعت شعرها الأسود الناعم للأعلى لتعقصه بقوة دون ترك أى من خصلاته هاربه من موضعها لتظهر بشكل جدى تماما حتى ملامحها الرزينه لا توحى بغير ذلك …
