طلاق 1
نورا مكنتيش وافقتى على أمجد و فرحنا بيكوا كلنا … هيام وبعدين معاكى بقى … مش خلصناه الموضوع دة …. صمتت نورا لرد هيام الجاد حتى لا تثير ضيقتها بينما حدثت سميرة نفسها بضيق … سميرة حتى أخو صاحبتك رفضيتيه !!!! .. لحد امتى أحلامك و فرحتك ح تبقى متأجله عشانا !!! … لازم تكملى حياتك وكفاية عليك كدة …. تألق ياسر بحلته السوداء وتصفيفة شعره المنمقه لينتهى بوضع زهرة صغيرة بسترته كما طلبت نورا تماما بذات اللحظة التى ولج بها كرم فهو وصل للتو ليشارك صديقه فرحته بيوم زفافه …
كرم يا سيدى يا سيدى … لا والله باين عليك إنك عريس … ياسر يلا عقبالك … كرمضحكتنى يا اخى .. وهى فين دى بس … ياسر مسيرى ح أشوفك واقع على بوزك … وصل عبد الله يبلغ أخيه بوصول سيارته المزينه لإقلاله لإصطحاب العروس … عبد الله خلاص يا عريس العربيه وصلت تحت … يلا عشان تروح تجيب عروستك … وقف كرم بحيره فهو بالفعل لا يدرك أى شئ بهذه البلد ولا يستطيع التحرك بمفرده …
كرم وأنا طيب أنا مش عارف ح أروح إزاى … ياسر اركب إنت مع على و عبدالله و اسبقنا على القاعة وأنا ح أروح أجيب نورا واحصلكم ….. كرم تمام يلا بينا إحنا يا عبد الله … استقل كرم سيارة عبد الله برفقة والد ياسر وأخويه فيما إتجه ياسر لصالون التجميل لإحضار عروسه بمرافقة سيارة عمه أيضا لإقلال أصدقاء نورا والبقية معه …. بالقاعه الخاصه بالزفاف … رغم تلك الإبتسامة الزائفة التى تحلى بها وجهها إلا أن حسناء كانت تشعر بنيران تسعر بداخلها لتطقطق أصابعها بغيظ هامسه بأذن والدتها التى تجلس إلى جوارها ..
حسناء أهو طار من ايدى يامه … شفتى …!!! لكزتها واضحه بمرفقها وهى تردف بقوة وثبات بخلاف إبنتها … واضحه ولا طار ولا حاچه …. إللى ح نعمله هو هو … غيرش بس لما نروح نبارك لهم ح ناخد جطرها قطرها إللى معرفناش نچيبه دة وساعتها ح نكمل العمل بتاع الشيخ كرامه ووقتها كل حاچه ح تنحل .. بتذمر واضح فقد تناست حسناء نفسها تماما … حسناء وأنى لسه ح أصبر كل دة … اووف …
إتسعت عينا واضحه بتحذير من تماديها بهذا الإنفعال أمام أعين الجميع … واضحه بالراحه يا بت على نفسك لا يطج لك عرجعرق .. هم يومين تلاته ونخلص … إتكتمى بجى … حسناء ماشى … بس يكون فى معلومك لو متچوزتوش ح أمــ,,ـوت نفسى … أنا بجولك أهو … لم تهتز ثقة واضحه مطلقا لتردف بجمود … واضحه متخفيش … عمل الشيخ كرامه عمره ما نزل الأرض أبداااااا … حسناء بغيظ أدينى مستنيه … كرم …
