طلاق 1
هيام أنا عارفة … أول مرة أشوفه … أومأت سميرة بلا مبالاه لهذا المجهول ثم تطلعت نحو ساعة يدها قائله … سميرة طيب حصل خير … خلينا ننام بقى عندنا شغل الصبح .. أنا عارفه ناس إيه دى إللى بتعمل فرحها يوم أربعاء … هيام بضحك عادى يا أختى … يلا تصبحى على خير … تركت سميرة هيام بغرفتها لتتجه لغرفتها المشتركة مع أختها هبه جلست هيام لبعض الوقت تعيد بذاكرتها هذا الحاډث الغريب وتبتسم فرغم تلوث قميصه الأبيض باللون الوردى إلا أنه كان وسيما للغاية خاصة عيناه اللاتى تتمتع ببريق و غموض عجيب
.. حركت رأسها تنفض عنها تلك الأفكار … هيام أنا بفكر فى إيه بس …. خلينى فى إللى أنا فيه …. دة حتى مجرد التفكير مينفعش …. أنا أنام أحسن عشان أعرف اصحى بدرى … صدقت يا سميرة هو فيه حد يعمل فرحه يوم أربعاء ….!!!! ضحكت هيام على مقولة أختها لتخلد مباشرة للنوم وينتهى هذا اليوم بالنسبه إليها بإستعداد ليوم جديد … انتهى حفل الزفاف ليودع العروسين المدعويين ويستقلوا سيارتهم المزينة تتحرك من خلفهم السيارات التى تقل العائلتين لايصالهم إلى شقتهم ببيت عائلة ياسر ….
ودع أهل نورا ابنتهم بمحبة عائدين بعد ذلك لبيتهم بينما صعد ياسر ونورا إلى شقتهم بالدور الثانى بصحبة والد ياسر ووالدته … والد ياسر ألف مبروك يا أولاد ربنا يسعدكم يا رب … ام ياسر ألف مبروك يا حبايبى لو احتاجتوا أى حاجة رنوا عليا بس … و إن شاء الله بكرة الصبح نيجى نبارك لكم …. تصبحوا على خير … ياسر ونورا و إنتوا من أهل الخير … وبعد انصراف والد ياسر ووالدته أغلق ياسر الباب من خلفهم لينظر إلى عروسة الجميلة بحب …
ياسر أخيرا يا نورا … أخيرا اتجمعنا سوا … نورا أنا مش مصدقة أبدا يا ياسر حاسه زى ما يكون حلم جميل … ياسر لا يا حبيبتي .. مش حلم .. إبتسمت نورا بخجل ليقترب منها ياسر قائلا بضحك .. ياسر لا النهاردة مش يوم كسوف خالص … تعاليلى هنا … نورا بس يا ياسر … اتأدب … ياسر أنا مؤدب على فكرة … دلفا إلى داخل غرفتهم لتبدأ أولى أيام حياتهما سويا بحب و فرحة جمعتهما اليوم وحتى نهايه العمر ….
واضحه وحسناء …. بوجه مكفهر أخذت واضحه تعيد على مسامع إبنتها ما إتفقتا عليه لتأكد ما سوف يقومان به … واضحه فهمتى ولا أعيد تانى …..!!! حسناء والله فهمت .. ح نطلع الصبحيه نبارك ل ياسر والمخڤيه مراته وأحط الحچاب فى اوضتهم تحت رأس ياسر واچيب أى حاچة من هدومها جطر للعمل بتاع الشيخ كرامه … واضحه أيوة كدة … وبكرة ناخدوا الجطر ونوديه للشيخ ويجولنا ح نعمل إيه …. طبقت حسناء بشفتيها بتملل …
