رائعة ج ٣

…………………………………..

في مقر جريدة الضحى ،،،،،

ظلت إيلين تحاول الاتصـــال بفرح لأكثر من مرة ، ولكن كان الرد كسابقه ( الهاتف غير متاح ) ، مما جعلها تزفر في انزعــاج ، وتلقي بهاتفها بعدم اكتراث على سطح المكتب و…
-إيلين بنبرة منزعجة وهي تسند وجنتها على راحة يدها : اوووف ، هاتجنن عليكي ، يا ترى بتعملي ايه الوقتي يا فرح ؟؟

ثم نهضت فجــــأة إيلين عن مقعدها حينما وجدت الأستاذ عبد السلام يدلف إلى المكتب ، وابتسمت له ابتسامة مصطنعة و…
-إيلين بنبرة متلعثمة ، ونظرات مصدومة : ازي حضرتك .. يا .. يا مستر عبد السلام .. آآ.. المكتب نور

وضع الأستاذ عبد السلام يده على نظارته الطبية الموضوعة على أنفه ، ثم عَدَل من وضعيتها ورمق إيلين بنظرات ثاقبة قبل أن يردف بـ …
-عبد السلام بنبرة جـــادة للغاية : أنا كويس ، المهم قوليلي مافيش جديد عن فرح ؟

مــالت إيلين برأسها قليلاً للجانب ، ورمقت الأستاذ عبد السلام بنظرات متعجبة و…
-إيلين بنبرة استغراب : حضرتك بتسألني ؟ ده أنا كنت متوقعة إن الأخبار كلها موجودة عندك يا مستر
-عبد السلام بنبرة جــادة : لأ للأسف ، أنا مش عـــارف أوصل لفرح خالص ، الاتصالات زي ما تكون مقطوعة ، فأنا توقعت انها تكون على اتصال بيكي ، لكن واضح انك زيي مش عارفة حاجة عنها

وضعت إيلين كلتا يديها على شفتيها ، وجحظت عينيها اكثر و…
-إيلين بنبرة متوجسة : لأحسن يكون جرالها حاجة
-عبد السلام بنبرة هادئة نسبياً : لأ مش للدرجادي !

دارت إيلين حـــول مكتبها ، ووقفت إلى جوار الأستاذ عبد السلام ، ثم نظرت إليه بنظرات راجية و…
-إيلين بنبرة شبه مذعورة : بليز يا مستر عبد السلام ، لو تقدر تعمل اي حاجة عشان نوصل لفرح وتطمنا وآآ…
-عبد السلام مقاطعاً بجدية : اطمني ، أنا هافضل وراها لحد ما أعرف أخبارها ايه بالظبط
-إيلين بنبرة راجية ، ونظرات متوسلة : تسلم يا مستر عبد السلام ، وأنا هحاول برضوه أتواصل مع والدتها ، يمكن تكون تعرف عنها حاجة
-عبد السلام محذراً وهو يشير بيده : بس خدي بالك وانتي بتتكلمي معاها ، مش عاوزينها تقلق
-إيلين وهي تعض على شفتيها : طيب ..

ثم تركها الأستاذ عبد السلام في حيرتها وقلقها ، وانصرف خـــارج المكتب ..
فركت إيلين أصابع يديها في توتر ، وظلت تنظر أمامها لبرهة و..
-إيلين بنبرة شبه مضطربة : يا خوفي يا فرح تكوني وقعتي في مصيبة ومحدش عــارف ، ولا حاسس …!