رائعة ج ٣

إزدادت تعبيرات وجه يزيد صرامة ، واختفى بريق عينيه ، وأصبحتا أكثر ضيقاً .. ثم تحرك خطوة للأمــــام وهو يرمق فرح بنظرات متوعدة ، فتراجعت هي للخلف خوفاً منه وتوقفت عن الكلام ، في حين ..
-يزيد بنبرة مخيفة ، ونظرات قاتلة : دي مش تكية أبوكي عشان تتكلمي براحتك فيها على الموبايل

ابتلعت فرح ريقها في ذعـــر ، وحاولت أن تتماسك أمام يزيد ، وأن تبدو هادئة و…
-فرح بنبرة مرتعدة ، ونظرات مضطربة : بس ده مش يديك الحق إنك تحدف موبايلي وآآآ…

أشــــار يزيد بيده لفرح لكي تكف عن الكلام ، ثم ..
-يزيد بنبرة جافة ومتهكمة ، ونظرات حــادة : أظن يا مدام لو كنتي تعبتي نفسك وقريتي كتيب التعليمات كنتي هاتعرفي ان الموبايلات ممنوعة

عضت فرح على شفتيها من الحنق ، فهو محق في تلك المسألة ، وهي لم تكلف نفسها عناء قراءة كتيب التعليمات الذي كان موضوعاً في غرفتها بالمبنى السكني ..
نظرت فرح في عيني يزيد مباشرة ، و…
-فرح متسائلة بنبرة مغتاظة : طب وليه تحدفه ؟

رمق يزيد فرح بنظرات متأففة و…
-يزيد بنبرة ساخطة : دي اقل حاجة أعملها مع أمثالك الأغبية اللي بيخالفوا التعليمات ..!

رفعت فرح أحد حاجبيها في ذهــــول ، ثم …
-فرح بصدمة : نعم ؟؟ أمثالي الأغبية !!!
-يزيد ببرود مستفز : ايوه ، ويا ريتك بتفهمي

أخذت فرح نفساً مطولاً ، ثم زفرته بهدوء حتى تتحكم في أعصابها ولا تنفعل ، ثم تابعت بـ …
-فرح بنبرة ممتعضة ، ووجه عابس : بس برضوه ماتكونش الطريقة كده ، حتى لو أنا كانت غلطانة
-يزيد بنبرة حــادة ، ونظرات احتقار : هو ده اللي عندي ، ومن هنا ورايح هايكون في أسلوب جديد مع اللي زيك .. مش على أخــر الزمن واحدة هتعرفني أنا شغلي يبقى عامل ازاي ……………………………………………………… !!!

……………………………………………

الحلقة الثالثة عشر :

اشتعل يزيد غضباً ، وظل يصدح بفرح لأنها خالفت التلعيمات دون قصد منها ، ووقفت هي تنظر إليه بأعين لامعة ، ولكنها تماسكت وتحاملت على نفسها ..
نظر يزيد إلى فرح بنظرات ساخطة ، ثم أشــــار لها بيده و …
-يزيد بلهجة آمــرة : واتفضلي اجهزي عشان هنبدأ بعد شوية عملية الاعتراض البحري

هزت فرح رأسها في عدم استيعاب ، ودققت النظر في يزيد و…
-فرح بعدم فهم : أفندم ؟
-يزيد بنبرة منزعجة ، ونظرات أكثر سخوطاً : انتي ليه بقيتي غبية أوي كده ، بقولك روحي استعدي هنبدأ كمان 5 دقايق عملية الاعتراض البحري