رائعة ج ٥

……………………..

لم تتوقع إيلين أن تجد فرح جالسة على مكتبها حينما مرقت إلى داخل غرفتهما ، وارتسمت علامات الاندهـــاش على تعبيرات وجهها و…
-إيلين بنظرات مصدومة ، ونبرة متعجبة : مش معقول ، إنتي هنا ؟

نهضت فرح من على مقعدها ، وتوجهت ناحية إيلين ، ومدت يدها لتصافحها ، ثم أحاطتها بذراعها لتحضنها و…
-فرح بهدوء : مش هاتقوليلي حمدلله على السلامة ، ولا حتى نورتي مكتبك
-إيلين بنبرة متعجبة ، ونظرات مشدوهة : لأ منوراه طبعاً ، بس أنا كنت متوقعة أنك سافرتي اسكندرية مع الظابط المز

تحركت فـــرح إلى الأمـــام وهي ترسم علامات انزعـــاج زائفة على وجهها ، و…
-فرح بنبرة ممتعضة : إيلي بليز ، أنا خلاص شغلي خلص ، مش هافضل أعيد وأزيد كل شوية في الكلام ده
-إيلين بنبرة خبيثة : مممم.. أزيد قريبة من يزيد ، هو مش كان اسمه كده صح ؟

احمـــرت وجنتي فــرح سريعاً ، وحاولت ألا تلتفت برأسها في اتجاه رفيقتها ريثما تهدأ إنفعالات وجهها ، و..
-فرح بضيق زائف : بطلي بقى السيرة دي ، وخلينا نشوف ورانا إيه

وفجــــأة اقتحم المكتب مجموعة من الضباط ذوي الملابس العسكرية ، فانتفضت كلاً من إيلين وفرح فزعاً في مكانهما و…
-إيلين متسائلة بتوجس ، وبنظرات زائغة : في ايه ؟؟ وانتو مين ؟؟؟
-فرح متسائلة بخوف : ازاي تدخلوا المكتب بتاعنا بالشكل ده ؟؟

-ضابط ما بلهجة رسمية وهو ينظر إلى إيلين : إنتي فــرح عبد الحميد فرغلي
-إيلين وهي تهز رأسها بالنفي ، وبنبرة شبه مذعوؤرة : لأ مش انا ، دي .. دي فــرح

أشــــار الضابط لإثنين من المرافقين له بيده لكي يتحركا للأمـــام و…
-الضابط بلهجة آمــــرة : هاتوها

جحظت عيني فرح في صدمة ، في حين أمسكت إيلين بمعصم فرح ، وحاولت أن تحاوطها بذراعيها و…
-إيلين متسائلة برعب : انتو مين ، وعاوزين من فرح ايه ؟؟؟؟؟

اقترب الضابطين من فـــرح ، ثم جذب كلاهما إياها بعنف من بين ذراعي إيلين والتي جاهدت في إبعادهما عنها و…
-فرح بخوف ، ونظرات مذعورة : سيبوني ، أنا معملتش حاجة
-إيلين برعب وهي تحاول الاقتراب من فرح : هي عملت ايه عشان تاخدوها بالشكل ده ، أنا مش هاسيبها ، ومش هاسمح لحد منكم يقربلها
-الضابط ببرود وبلهجة قوية : ابعدي عنها يا مدام ، ده أمـــر عسكري طالع بالقبض عليها
-فرح بصدمة شديدة : اييييه ؟
-إيلين بذهول : نعم ؟؟ طب ليه ؟؟؟
-الضابط متابعاً بنبرة رسمية وصارمة : الأستاذة هربانة من وحدتها العسكرية ، ولازم تترحل فوراً لهناك