رائعة ج ٥

◘◘◘ انقبض قلب يزيد للحظة ، ورمق السيدة فوزية بنظرات حــــادة و…
-يزيد بعدم فهم : قصدك ايه ؟
-فوزية وهي تلوي فمها في حنق ، وبنظرات لامعة : أبو كريم عــاوز يدي لبنتي ميراثها في ابنه اللي مات

أدار يزيد وجهه للناحية الأخـــرى لكي يخفي ضيقه الذي بدى على قسمات وجهه ، ثم ..
-يزيد بتبرم : بس ده حق ربنا
-فوزية بنبرة مؤكدة : وأنا مش عاوزة حاجة منهم ، وواثقة ان بنتي هي كمان مش هترضى تاخد حاجة من العيلة دي لما تعرف ، وهتصر تتنازل عن حقها ..!

في تلك الأثناء عــــاد آدم إليهما بعد أن صافح أحد الأطباء مودعاً إياه ، و…
-آدم بنبرة حماسية ، ونظرات متفائلة : الدكتور لسه خــارج من عند فرح وطمني عليها
-فوزية بنبرة سعيدة : يا ما انت كريم ، ألف حمد وشكر ليك يا رب

استغرب يزيد من وجـــــود آدم في المشفى ، خاصة وأنه قد ظن أنه رحـــل وعــاد إلى منزله ، و…
-يزيد بنظرات دقيقة ، ونبرة متعجبة : هو انت لسه هنا ؟
-آدم بإيجاز وهو يبتسم باستفزاز : اه .. ما أنا نويت أفضل ملازم للحاجة أم فرح
-فوزية بنبرة متشوقة : اسمي الحاجة فوزية يا بني
-آدم مازحاً : إيه ده أساميكم فوزية ، وفــرح ، وفرغلي .. هو انتو أخدين توكيل حرف الـ F ..!
-يزيد محذراً : خف يا ثقيل .. مش وقت هزارك السمج ده ..!
-آدم بتوجس : طيب خلاص

ثم التفت برأسه إلى السيدة فوزية ، و..
-آدم متابعاً بنبرة متفائلة : إن شاء الله خلال يوم أو اتنين بالكتير هاتكون فرح فاقت وبتكلم معانا
-فوزية بنبرة راجية ، ونظرات متعشمة : يسمع منك ربنا
-يزيد متسائلاً بجدية : طب وهو مقالش كان عندها ايه ؟ ولا اللي حصلها بسبب إيه ؟؟
-آدم بهدوء : شوية ضغوط نفسية على إرهــاق بدني ، كولكشن ( سايكو ) زي ما تقول

◘◘◘ نظـــــر يزيد إلى آدم باستنكار بسبب مزاحه المتواصل ، في حين قاطعته السيدة فوزية بـ ..
-فوزية متسائلة بتلهف : يعني هي هاتفوق وتكلمني ؟
-آدم مبتسماً بتعشم وهو يشير بكلتا يديه : ندعي ربنا وهو عليه التساهيل

رفعت السيدة فوزية كلتا يديها إلى المساء ، ونظرت ببصرها للأعلى و…
-فوزية بنبرة راجية : يا رب انت عليك جبر الخواطر ، اجبر ببنتي ، وزيح عنها ، يا رب …. !!! ◘◘◘

…………………………………….