رائعة ج ٥
حلت هايدي ساقيها ، ثم ارتفعت عن الأرض قليلاً لتجلس على سطح المكتب و…
-هايدي وهي تهز ساقها ، وبنبرة باردة : اها ..
-عامر متابعاً : بس إنتي تقريباً يا دكتورة مردتيش عليهم
-هايدي ببرود مستفز : بصراحة كده يا دكتور عامر أنا مش فاضية لا للندوات ولا للمؤتمرات ، عندي شغل أد كده ، وزي ما انت عارف يا دكتور أنا وقتي مش ملكي ..!
-عامر بنبرة مُصرة : ضروري تحضري يا دكتورة الندوة دي ، ده انتي مطلوبة بالاسم ، وبعدن في كذا دكتور جاي من برا عشان يتكلموا عن أحدث تطورات الحقن المجهري ، وإنتي خير من يمثلنا في الموضوع ده
فكرت هايدي في الموضوع للحظـــات ، وبدأت تحسب العائد المادي والدعائي لمركزها ، ثم ..
-هايدي وهي تمط شفتيها في خبث : مممم.. عشان خاطرك بس يا دكتور
-عبد الرحيم مبتسماً : شكراً يا دكتورة .. !
……………………………………………….
في منزل آدم الجزار ،،،،
تمدد آدم على الفراش في غرفة نومه ، ثم ســـرد لها بإيجاز عن تلك الفتاة التي أســـرت عقل يزيد وتربعت على عرش قلبه ، فتملكها الفضول الشديد لكي تعرف هويتها و…
-شيماء بنبرة متلهفة ونظرات متحمسة : ده انت شوقتني يا أندومي أعرف هي مين
-آدم بنبرة هادئة : ماتستجعليش ، قريب أوي هتشوفيها
-شيماء متسائلة بترقب : امتى ؟
-آدم بنبرة طبيعية : بصي هما عاملين حفلة في نادي اليخت للضباط وأسرهم ، فاحتمال كبير تيجي
-شيماء بنبرة متشوقة : ايه ده بجد ؟؟ يعني هنسافر إسكندرية
-آدم غامزاً ، وبنبرة لئيمة : أيوه ، المياه والهواء ، والوجه الحسن
-شيماء مبتسمة بسعادة : طب كويس أوي عشان ألحق أجهز الحتة الزفرة ، وألبس اللي على الحبل
لوى آدم فمه في تأفف ، ورمق زوجته بنظرات استنكار ، و…
-آدم بنبرة ممتعضة ومتهكمة : زفــــرة !!! بقى أقولك وجه حسن ، تقوليلي زفارة ، يا ساتر عليكي دايماً بتضيعي الـ image الحلوة اللي حاطتهالك ….!!!!!!
…………………………………
استأذنت إيلين بالانصــــراف بعد أن وردها إتصالاً هاتفياً من زجوها أمير لكي تعود إلى صغيرتها مارسيل التي كانت مصابة بنزلة برد ، فشكرت السيدة فوزية إيلين ، وكذلك فعلت فـــرح ، ودعت كلتاهما للصغيرة بالشفاء ..
وبعد لحظات طلبت السيدة فوزية من ابنتها أن تنتهي من الاستعداد للعودة إلى منزلهما ريثما تحضر هي نتائج التحاليل الطبية الخاصة بفحوصات مرض السكري الخاص بها ، وكذلك الضغط ..
