رائعة ج ٥
دلفت الممرضة في تلك اللحظة إلى داخل الغرفة و…
-الممرضة بنبرة جـــادة : الصوت يا جماعة
-فرح وهي تعقد ساعديها أمام صدرها وبنبرة محتقنة : عاجبك كده جبتلنا الكلام
-فوزية بنبرة مرهقة : يوووه ، أنا مش قولت الكل يسكت يبقى هي كلمة واحدة وتتسمع ..
ســـاد صمت مشحون في المكان ، ولكن ظلت النظرات النارية والمتحدية هي المتبادلة في الأجـــواء ..
لاحظت الممرضة الإعياء البادي على وجه السيدة فوزية ، لذا طلبت منها أن ترافقها إلى الخــارج حتى يراها الطبيب ، ولكنها أخبرتها أنها لم تتناول دوائها الخاص بالضغط بعد ، فطلبت منها الممرضة أن تسير معها من أجل إعطائها جرعة بديلة حتى لا يؤثر هذا على صحتها ، فرضخت السيدة فوزية لطلبها ، ودلفت إلى الخـــارج ، وأوهمها يزيد أنه خـــارج معها ، وترك كلاهما فرح بمفردها بالغرفة … ..
وما إن خرجت السيدة فوزية من الغرفة حتى زفــرت فرح في ضيق ، ثم صفعت الباب وهي تتمتم بكلمات غير مفهومة ، وســـارت مبتعدة عنه في اتجاه الفراش لكي تلتقط حقيبتها الموضوعة بجواره ..
ولكنها تفاجئت بيزيد يفتح الباب مجدداً ، ويدلف إلى الداخل ، ثم أوصـــده من خلفه ، فتسمرت في مكانها وعلى وجهها علامات الخوف الممزوجة بالرعب ..
رمـــق يزيد فرح بنظرات متوعدة وهو يعقد ساعديه أمام صدره ، فتوجست هي خيفة منه ، و..
-فرح بنبرة مرتعدة : آآ.. انت .. انت رجعت
-يزيد بنبرة جامدة : ماهو أنا مخلصتش كلامي
رمشت فـــرح بعينيها في خــوف ، ثم ابتلعت ريقها وحاولت أن تبدو طبيعية ، ولكن خانها صوتها و..
-فرح بنبرة مرتعشة ومتحشرجة وهي تشير بيدها : من .. فضلك اخرج .. كده .. كده مايصحش
-يزيد بنبرة متوعدة ، ونظرات ثابتة : متخافيش أوي كده ، احنا هنتحاسب ، بس بعدين ………!!!
-فرح بصوت مضطرب : على فكرة أنا .. أنا مش بخاف
-يزيد بتهكم : لأ واضح أوي
-فرح بنبرة شبه مرتبكة : آآ.. انت .. مش عارفني
-يزيد وهو يلوي فمه في استهزاء : والله ! ده على اساس ان اللي قدامي واحدة تانية
أخذت فرح نفساً مطولاً ، وزفـــرته على عجالة ، ثم استجمعت شجاعتها و..
-فرح بنبرة شبه حـــادة : بطل تعيش في الوهم ، أنا خلاص معدش هيبقالي وجود معاك ، شغلي خلص خلاص ، ومش هارجع تاني اسكندرية ، ومن بكرة هابعت حد يلم كل حاجتي
-يزيد متسائلاً بنبرة استهجان: وانتي قررتي ده مع مين بالظبط ؟؟
-فرح بنبرة ضجرة : مع نفسي ، أنا واحدة واعية وأقدر أخد قراراتي بنفسي
-يزيد بتهكم : كده لوحدك
-فرح بإقتضاب : أيوه
-يزيد ببرود مستفز : طب اعتبري كل اللي قولتيه ده .. بلح .. !
-فرح فاغرة شفتيها في عدم فهم : أفندم ؟
-يزيد ببرود أكثر ، ونظرات جادة : يعني مش انتي اللي تقولي خلصتي ولا لأ
