رائعة ج ٥

ثم أرخى قبضتي يده عن كفيها لتنسل فــــرح سريعاً منه وتتراجع مبتعدة عنه للخلف ، ووجهها يكاد ينفجـــر من الخجل والاحراج ..
عضت فــرح على شفتيها في ارتباك ، وأطرقت رأسها للخلف وهي ترمش بعينيها من شدة التوتر ، في حين لم تبعد السيدة فوزية ناظريها عن ابنتها ، ورمقتها بنظرات متوعدة ومعاتبة ..
أصــر يزيد على البقاء رغم أن الوضع كان محرجاً ، ولكنه تعمد أن يفرض وجوده على فرح لتتأكد من أنه جـــاد فيما يقول وفيما يفعل ولا يعبأ بأي أحـــد ، بالإضافة إلى أنه لم يرغب في أن تتعرض فرح للتوبيخ بسبب تهوره معها .. وبالفعل نجح في منع السيدة فوزية من أن تفعل هذا و..
-فوزية بنبرة غاضبة : خلاص جهزتي نفسك
-فرح بخفوت ، ونظرات مخزية : أيوه
-فوزية بنبرة جــــادة للغاية ، ونظرات منزعجة : طب يالا
-يزيد مقاطعاً وهو يتسائل بهدوء : أومـــال فين شنطتك ؟

استدارت فــــرح برأسها في اتجاه يزيد ، ورمقته بنظرات مستغربة و…
-فرح بنبرة متعجبة : ليه ؟
-يزيد بتهكم : مش معقول أبقى معاكم ، وموصلكمش مطرح ما انتو عاوزين
-فرح بضيق ، ونظرات حـــادة : متشكرين ، احنا مش عاوزين منك حاجة
-يزيد بتحدي : دي مش عزومة يا .. فرح
-فرح بإصرار ، ونظرات قوية : أسفة ، مش هايحصل ، وبعدين خلاص أنا فوقت وموجودة وهاقدر أتصرف

رمــــقها يزيد بنظرات شرسة ، ثم مد يده في اتجاهها و…
-يزيد بلهجة آمــرة : هاتي الشنطة
-فــرح بنبرة معاندة : لأ

بدأ بوادر الغضب تتسلل إلى يزيد ، حيث اكفهـــر وجهه ، وعقد جبينه في انزعـــاج ، و…
-يزيد بنبرة شبه عصبية : هي كلمة ومش هاكررها ، هاتي الشنطة بدل ما آآ…
-فوزية مقاطعة بحدة : خلاص يا فرح ، اديله الشنطة خلينا نخلص من الموضوع ده ، أنا مش ناقصة تعب قلب ولا مناهدة
-يزيد وهو يلوي فمه في ضيق : اسمعي كلام حماتي
-فوزية بضيق : لسه بدري على الكلمة دي
-فــرح بنبرة مغتاظة : ايوه ، قوليله يا ماما ، أصله أخد المسألة عِند وآآ…
-يزيد مقاطعاً بحنق ، وبنظرات نارية لفرح : الحاجة فوزية تتكلم براحتها معايا ، لكن انتي لأ

استشاطت فرح من الغيظ عقب عبارة يزيد الأخيرة ، ورمقته بنظرات مشتعلة و…
-فرح بنبرة محتقنة : شايفة يا ماما بيتكلم ازاي ، هو مفكر نفسه مين
-فوزية بضيق : بس بقى ، أنا تعبانة ، ومش قادرة ، ارحميني شوية
-فرح بنبرة متصلبة : والله يا ماما هو اللي بيستفزني وآآ…
-يزيد بنبرة آمـــرة ، ونظرات قاسية : مش قالتلك تسكتي يبقى تسمعي الكلام