رائعة ج ٥
ثم انتفضت فزعة في مكانها حينما رن هاتفها ، فمدت يدها لتمسك به ، ونظرت إلى اسم المتصل فوجدت رقماً خاصاً يتصل بها ..
ترددت هايدي في الاجابة ، ثم عـــاود المتصل الاتصال بها مرة أخــرى ، فقررت أن تجيب عليه و..
-هايدي هاتفياً بنبرة مذعورة : ألوو
-المتصل هاتفياً بنبرة ذكورية مخيفة : أظن مافيش بعد كده ، ولسه عندي تسجيلات نادرة ليكي كمان وكمان
-هايدي بنبرة خائفة : انت .. انت مين ؟؟ وعاوز ايه ؟؟ وجبت الفيديوهات دي منين ؟
-المتصل بنبرة حادة وقوية : أنا اللي هاطلع عينك وعين اللي جابوكي كلهم يا بنت الـ ***
-هايدي وهي تبتلع ريقها في تخوف : انت مفكرني هخاف منك ، انت مش عارف أنا مين ، لأ فوق كويس ، مش من مصلحتك إنك تتعرضلي ، أنا ممكن أخليك تندم أصلاً انك فكرت تيجي جمبي
-المتصل بضحكة مخيفة : هههههههههه .. تصدقي خوفت ، لأ بجد اترعبت ..
-هايدي بنبرة حـــادة رغم ارتعاشها : انطق انت مين ؟ وعاوز ايه مني ؟
-المتصل بنبرة مرعبة : ما أنا قولتلك ، أنا عملك الأسود ، راجعي نفسك كويس عشان تعرفي أنا مين ، أما عاوز ايه ، فأنا مش عاوز منك كتير
ثم صمت هذا المتصل قليلاً قبل أن يتابع حديثه بـ …
-المتصل هاتفياً بنبرة هادئة تحمل الرعب : أنا بس عاوز أحرقك زي ما حرقتي قلبي قبل كده
-هايدي متسائلة بتوجس شديد : آآ… انت مين ؟
-المتصل بنبرة خافتة : أنا .. ماضيكي القذر يا دكتورة الآبلسة .. !!!!!!!!
ثم أنهى المتصل مكالمته معها تاركاً إياها في حالة صدمة شديدة ..
في نفس التوقيت دلفت إحدى الممرضات إلى داخل المكتب ، فصرخت فيها هايدي بحدة و…
-هايدي بنبرة عنيفة : اطلعي برا ،وإلغي كل مواعيد النهاردة
-الممرضة بخوف : حـ… حاضر يا دكتورة هايدي ، بس آآ.. بس هو حصل حاجة ؟
-هايدي بنبرة هادرة ، ونظرات شرسة : وإنتي مالك ، هو انتي هاتفتحي معايا تحقيق ، امشي اطلعي برا ، برا
انتفضت الممرضة فزعة في مكانها ، وتحركت بخطوات راكضة إلى الخـــارج ، وأغلقت الباب عليها ، في حين نهضت هايدي عن مقعدها بعد أن أخرجت الأسطوانة ثم قامت بتحطيمها إلى أجزاء صغيرة قبل أن تدهسها بكعب حذائها و…
-هايدي بنظرات حانقة ، ونبرة جادة : ماتخلقش لسه اللي يهددني ، وقريب أوي هوصلك يا بن الـ *** ، وهاعرف إزاي أنتقم منك وأخليك تندم على إنك فكرت بس تجي جمبي ……………………………….. !!!!
