رائعة ج ٥

لاحظت السيدة فوزية التوتر البادي على يزيد ، وظلت ترمقه بنظرات حائرة ، وقررت أن تبدأ هي بالحديث و…
-فوزية بنبرة هادئة : مالك يا بني ؟ انت عاوز تقول حاجة ؟
-يزيد بنبرة شبه مترددة : آآ.. أنا ، أنا كنت عاوز أكلم حضرتك في موضوع كده .. آآ.. يخص .. يخص فرح
-فوزية بنظرات ضيقة ، ونبرة متوجسة : فــرح !!

أخـــذ يزيد نفساً مطولاً ، ثم زفـــره على عجـــالة ، و…
-يزيد بنبرة سريعة ، ومتزنة ، ونظرات ثاقبة : أنا .. كنت عاوز أتقدم لفرح

اتسعت عيني السيدة فوزية في ذهــــول ، وفغرت شفتيها في عدم استيعاب ، ثم ..
-فوزية بنبرة مشدوهة : هـــه

أعـــــاد يزيد تكرار عبارته الأخيرة ، ولكن بنبرة أقل خفوتاً وبتريث ، في حين لم تعقب عليه السيدة فوزية ، ولكنها لم تحيد بعينيها المرهقتين عنه ..
-يزيد متابعاً بتريث : أنا بحب فــرح ، وحاسس إنها هتكون الزوجة المناسبة ليا
-فوزية بنبرة متلعثمة : بس بنتي كان مكتوب كتابها ، وآآ..
-يزيد مقاطعاً بجدية : أنا عـــارف كل حاجة أنا فرح ، مش محتاج إن حضرتك تقوليلي حاجة ، بس هي متعرفش عني إلا حاجات قليلة أوي ..

◘◘◘ صمتت السيدة فوزية للحظات تفكر فيما ألقاه على مسامعها ، وأشاحت بوجهها بعيداً عنه ، في حين أثـــر يزيد ألا يضيف أي كلمة أخــرى إلى أن يستمع إلى تعقيبها ، خاصة وأنها لم تبدْ أي ردة فعل ..

حركت السيدة فوزية رأسها في اتجاهه مجدداً ، ثم رمقته بنظرات أكثر ضيقاً ، و…
-فوزية باستغراب : طب وإزاي هتجوزها وانت مش قايلها عنك حاجة ؟ تفتكر إن بنتي هتوافق ترتبط بحد مش عارفاه ؟؟
-يزيد بهدوء حــذر : ومين قــال لحضرتك إني مش هاقولها على حاجة ، بس قبل ما أتكلم معاها هي ، أنا فضلت أحكي لحضرتك الأول عن كل اللي يخصني
-فوزية بترقب : اتفضل

أخـــذ يزيد نفساً أخراً مطولاً ، وزفره تلك المرة ببطء شديد ، ثم ..
-يزيد بنبرة شبه مريرة : أنا كنت متجوز قبل كده ، وانفصلت عن مراتي من اكتر من خمس سنين
-فوزية فاغرة شفتيها : هــــاه .. مــ.. متجوز
-يزيد مكملاً بنبرة آسفة : وسبب انفصالي عنها إنها .. إنها كانت انسانة كدابة ومخادعة

عقدت فوزية حاجبيها في انتباه شديد ، ثم قطبت جبينها ، ورمقت يزيد بنظرات أكثر فضولاً و..
-فوزية بنبرة جادة : إزاي ؟