رائعة ج ٥

ثم مـــال آدم قليلاً بجسده على يزيد ليهمس في أذنه بـ ..
-آدم بخفوت شديد ، ونظرات متفحصة : اومـــال مين الحاجة ؟
-يزيد بجدية : دي الحاجة فوزية
-آدم متسائلاً وهو يهز رأسه : اللي هي مين يعني ؟
-فوزية ( وهي تتدخل في الحوار ) بنبرة شبه حزينة : أنا أم فــرح عبد الحميد اللي راقدة جوا

◘◘◘ تهللت أســـارير آدم على الفور بعد أن عـــرف هوية تلك السيدة ، واختفت ملامح الفضول من عينيه ، ثم رمقها بنظرات مشرقة ، و…
-آدم بنبرة متحمسة : إيه ده بجد ؟ يا أهلاً وسهلاً بحضرتك ، أنا اتشرفت بمعرفتك والله ، صحيح الظروف مش مناسبة ، بس مكنش هايكون في فرصة إننا نشوف الست العظيمة اللي جابتلنا فــرح ، والله إنتي منورة المستشفى ….!!

رمـــق يزيد آدم بنظرات حــــادة ، وخاصة أنه لم يكفْ عن الثرثرة مع السيدة فوزية التي كانت تنظر إليه باستغراب شديد ، مما دفع يزيد إلى أن يمسكه من ذراعه ، ويجذبه بعيداً عنها ، و…
-يزيد بنبرة حانقة : انت يا بني ، بالراحة شوية
-آدم بنبرة معترضة ، ونظرات ثابتة : يا عم ما تسبني أسلم على الحاجة بعشم
-يزيد بإمتعاض : عشم ايه بس ، وهو ده وقته !
-آدم بأريحية ، ونظرات متفائلة : طبعاً ، ده وقته ونص .. ده مافيش أحسن من كده فرصة عشان تظبط نفسك
-يزيد بتهكم : أنا مش عارف إيه اللي مصبرني عليك
-آدم غامزاً ، وبنبرة خافتة : عشان أنا easy خـــالص ….!
-يزيد وهو يلوي فمه في استنكار : لأ واضح ..

ثم سمع كلاهما صوت السيدة فوزية وهو يردف من خلفهما بـ …
-فوزية بنبرة حزينة : طمنوني على بنتي الله يكرمكم ، ماتسيبونيش كده

استدار يزيد بجسده ناحيتها ، ثم ســـار في اتجاهها وعلى وجهه ابتسامة هادئة ، و..
-يزيد بنبرة عميقة ، ونظرات ثابتة : والله العظيم هي كويسة ، متخافيش ، الدكتور قال انه إرهــاق نفسي ، وهي موجودة بس للاطمئنان عليها مش أكتر

رمقت فوزية يزيد بنظرات متسائلة ، ثم ..
-فوزية بنبرة حائرة : طب .. طب انت مين ؟
-يزيد بنبرة شبه جـــادة : انا المقدم يزيد جودة ، رئيس فرح المباشر في وحدتها العسكرية بالاسكندرية ، حضرتك عارفة المأمورية المكلفة بيها من جريدة الضحى

هزت فوزية رأسها موافقة ، في حين تدخـــل آدم هو الأخــر في الحوار وعلى ثغره ابتسامة عريضة و…
-آدم وهو يمد يده بالمصافحة ، وبنبرة أكثر حماسة : وأنا المقدم آدم الجزار صاحبه الانتيم ، وتقدري تقولي عليا صاحب فرح برضوه