دينا 3-4
– حاجة كبيره ومحترمة مكنتش هتيجي بنفسها لراجل في بيته حتى لو معاه صاحبتك ولا ايه! – ريان.. هتفت ريم في حده تقطع وصلة احتقاره لصديقتها فهتف بها في صوت زلزل كيانها: – حقي إنتِ جبتي عروسة وانا قولت مش عجباني مش استايلي البنات مكشوفة الوش دي، ولا هو ده استايلك يا بيبي؟ عجزت ريم عن مجاراته، واغمضت جفونها حين اخترق مسامعها صوت صديقتها: – إنسان مش متربي ومش محترم ومعرفش واخد قلم في نفسك على إيه.
هتفت “نرمين” التي جذبت حقيبتها للمغادرة فعلا صوت “ريان” الساخر: – ابقي كملي بقيت هدومك قماش الأول قبل ما تتكلمي عن التربية وقيمتي إنتِ اللي حددتيها لما جيتي تعرضي نفسك عليا جوا بيتي. اغلقت الباب خلفها في حده فانطلقت “ريم” توبخه: – إنت انسان مش طبيعي ابدًا. – والمفروض انك لما تجيبي لجوزك عروسة كده إنتِ طبيعية!. علت ابتسامة مغيظة محياها وهي تخبره مبررة: – ده كان طلبك مش اكتر وانا بلبيه. -لا وإنتِ ملبيه اوي الصراحة.
رد عليها ريان غير عابئ بإخفاء غضــ,,ـبه فتشدق كلمــ,,ـاته التالية في حــ,,ـرقة تلسع لسانه: – أنا مش مصدقك، جيبالي عروسة بنفسك فعلًا يعني إنتِ هتستحملي تشوفي واحدة تانية غيرك في حضـ,,ـني؟ رمشت ريم لكنها قررت استكمال هدم كبريائه للنهاية فهمست بمجون قاتل وهي تلعق شفتيها: – اه عادي وليه لا ما أنا كمان هنام في حضـ,,ـن واحد غيرك.
انتفض ريان لتنزاح الطاولة من وضعية هجومه بينما يمد ذراعه ليمسك بها، فخرجت منها صرخة هلع بينما تستقيم راكضة من أصــ,,ـابعه الممدودة في شر نحوها متجهة بسرعة قياسيه إلى غرفتها للاختفاء من أمامه فهي تعلم انها عبثت بثباته ومتأكدة انه لن يرحمها ان وقعت تحت يديه، كادت دقات قلبها تتوقف في ذعر وهي تستمع لخطواته الرعدية من خلفها.
وحمدت الله بقوة وهي تستند للباب لا تصدق انها نجحت في إغلاق الباب واحكامه بالمفتاح قبل أن يلحق بها.
كتمت شهقة كادت تنفلت في رعب عندما انتقل لجسدها ذبذبات قــ,,ـبضاته العنيفة التي تدق فوق الباب قبل أن يصلها صوته المختلط بأنفاسه اللاهثة:
– افتحي الباب حالًا عشان هكسر دماغك. اختلطت مشاعرها بين بكاء وضحك على اقواله فبالتأكيد هي لن تفتح إن كان سيحطم رأسها، لكنها لم تستطع منع تلك الابتسامة الواسعة من على فمها وهي تؤكد: – الله إنت زعلان ليه، مش دي الحقيقة إنك عايز عروسة تبقى أم لعمر عشان تطلقني؟ قاطعها ريان وهو يضــ,,ـرب بقــ,,ـبضته بعنــ,,ـف مرتين صائحًا: – اااه…. إنتِ صدقتي نفسك بجد، طلاق ايه يا أم طلاق…
لا فوقي واضح اني كنت غلطان لما قولت اخدك على قد عقلك واهاودك لكن إنتِ مينفعش معاكي غير كسر الدماغ.. افتحي بقولك…
