دينا 3-4
-انت ما تستحقش مني لا أنت ولا ريم اللي عمل… قاطعها ريان وهو يقبل جبهتها مؤكدًا: -الموضوع ده تنسيه من دماغك، أنا خلاص نسيته وحابب اننا نتخطاه عشان نقدر نكمل حياتنا صح،
هتبقي عملتيلي خدمة كبيرة لو عملتي كده، ممكن؟ ابتسمت في حزن لكنها حركت رأسها في موافقة وتمنت لو يكون الأمر بهذه السهولة، تتمنى لو تعود ليان الصغيرة الخرقاء التي ظنت نفسها تعسه.
كم هو غريب الإنسان فهي تشتاق لتلك الليالي التي امتلكت فيها السعادة دون أن تشعر وكانت تظن وقتها انها من التعساء، لا تعلم كيف غفلت “ليان” لكنها استيقظت حين هزها ريان قائلًا:
-يلا وصلنا. نظرت حولها ثم اتسعت عيناها في ذعر لتخبره: -ده بيتك انت وريم! -ايوة، مالك في أيه؟ حدثها ريان في تعجب فأجابته: -أنا كنت فاكرة هقعد عند بيجاد؟ -لا هتقعدي معايا الفترة دي وبعدين قرري عايزة تقعدي مع مين. جذبها ريان من السيارة كي ينطلق السائق بعيدًا بعد أن فرغ حقائبهما وبعد ان حملها ريان وتحرك للمبنى نظر خلفه ليجد شقيقته تقف مكانها كالتمثال فسأل: -مالك يا ليان؟ امتلأت عيونها بالدموع وهزت رأسها في رفض معلنه:
-عشان خاطري يا ريان مش هقدر اشوفها بعد اللي عملته فيها. -انتي عارفه ريم كويس يا ليان مش هتعملك حاجه، تعالي نطلع دلوقتي وبكره هنتكلم في الموضوع أكتر. -ريان… حاولت من جديد فقاطعها ريان بشيء من الحده:
-ليان خلاص دلوقتي الساعة اتنين الفجر،
واحنا جايين طيران فوق العشر ساعات ومش شايف قدامي خلينا نطلع نرتاح الأول وبكره يحلها الحلال.
اخفضت ليان رأسها وانطلقت باستسلام خلف شقيقها، خائفة وبائسة فقد كانت ولا تزال الشرير في رواية ريم، هي بدئت الخديعة والجبن ولا تستحق منها سوى الاستحقار لكنها لن تتحمل نظرة العتاب والقهر إن رأتهما في عيون ريم.
صعدت خلفه تضع خطوة بعد الاخرى في ثقل وكأنها متجهه لنهايتها، تشعر بالقُبح والذنب وترغب في الهروب، وقفت تتابع ريان يفتح الباب ليتقابلا بالظلام والهدوء عدى ضوء خافت قادم من بعيد.
حمدت الله انهم نائمين ودلفت خلفه في هدوء بقلب يدق في توجس، اشار لها ريان بالبقاء في الردهة ثم انطلق يتفحص غرفة ريم ليتفاجأ بها وصغيره نيام فوق الفراش، أغلق الباب في خفة واشار لليان لاتباعه نحو غرفة عمر هامسًا: -تعالي نامي في أوضة عمر، هما نايمين هنا. تحركت في سرعة خلفه وهي تفكر بأن الأمر ليس بهذا السوء ربما ان اغلقت الباب عليها لن ترى أيا منهم حتى تذهب إلي منزل أخيها الأصغر، تنفست في بطء متعجبة كل هذه الحيرة والتيه المتملكان لمكنوناتها، لقد خدعت نفسها بالنضوج المبكر وبانها قادرة على المواجهة وحدها بنصاحة أفكارها…
