رائعة ج ١
اتسعت عيني يزيد في غضب شديد ، وازداد وجهه سواداً ، وحــــاول جاهداً ألا يتهور على زوجته ، و…
-يزيد بنبرة صادحة : لأ يا هانم ، ده تعبي ومجهودي هما اللي وصلوني للي أنا فيه ، مش مركزك يا … يا مدام
لوت هايدي فمها في تهكم ، ثم أشاحت بوجهها للناحية الأخرى ، وســـارت مبتعدة عن يزيد ، ثم عقدت ساعديها أمام صدرها و…
-هايدي ببرود مفتعل : مالوش لازمة الكلام أصلاً معاك ، انا خلاص قرفت وزهقت من الحياة دي
-يزيد بنبرة منفعلة ، ونظرات متحدية : وأنا مش هاطلق ، واللي عندك أعمليه
-هايدي بنبرة تهديد : غصب عنك هاتطلق
-يزيد وهو يزمجر بغضب : لأ ..
-هايدي بنظرات قاتلة ، ونبرة قاسية : مش هاتقدر تقف قصادي يا يزيد ، ولو كنت زمان بفكر إني أجيب منك عيل ، فأنا دلوقتي بحمد ربنا إني لما كنت حامل أجهضت عشان آآآ….
جحظت عيني يزيد فجـــــأة حينما سمع للتو بأذنيه عن مسألة حمل زوجته ، وارتسمت علامات الدهشة الشديدة على وجهه ، فاقترب منها بغضب ، وأمسك بها من ساعدها ، ولوى ذراعها بعنف و…
-يزيد بنظرات غاضبة ، ونبرة متشنجة : إنتي كنتي حامل ؟
ظلت هايدي تتلوى بذراعها محاولة تحريره من قبضة يزيد المحكمة عليه و..
-يزيد مكرراً بصوت صادح : ردي عليا ، إنتي كنتي حامل ؟؟؟
-هايدي بنظرات واسعة ، ونبرة منفعلة : أه كنت .. ونزلته من زمــــان
أحرقت كلمات هايدي قلب يزيد ، فلم يكن يتوقع أن تفعل زوجته هذا به ، ولا بجنينهما الذي لم تكتب له الحياة ..
أرخى يزيد قبضته عن معصم هايدي من هــول الصدمة ، وشعر أن آلماً حاداً يعتصر قلبه ، وتيقن أن من تقف أمامه لا يمكن أن تكون بشراً …
-يزيد بنبرة مختنقة ومتلعثمة : وده … وده كان امتى ؟
-هايدي ببرودة قاسية وهي تتنهد : من سنة ..!!!!
-يزيد بصدمة ، ونبرة متفاجئة : اييييييه !! من سنة !!!
رمشت هايدي بعينيها ، ومطت شفتيها في إزدراء ، ثم أردفت بــ ….
-هايدي بقسوة : أنا مكونتش مستعدة إني أضيع شغلي عشان الحمل ده
رمق يزيد هايدي بنظرات استنكار ، ثم …
-يزيد بنبرة هادرة : وأنا كنت فين من ده كله ؟؟ هـــه !! كنت فين ؟؟؟ ليه ما قولتليش إنك حامل ، ليه مخدتيش رأيي قبل ما تعملي جر*ي*مة زي دي ؟؟ ليه تحرميني من الطفل اللي أنا كان نفسي فيه ؟؟ ليييييه ؟؟
-هايدي بحدة ، ونظرات باردة : كنت مسافر زي عوايدك ، وأنا قولتلك أنا مش عاوزة عيال ، واظن ان ده حقي ، لازم أكون مستعدية للحمل ده و… !!!
