رائعة ج ١
-آدم بنبرة صادحــة ، ونظرات مصدومة : لألألألألأ .. مش ممكن أدينا خسرنا ، ولبسنا الليلة كلها يا معلم !!
زفــــر يزيد في ضيق ، ثم أرخى قبضتي يده عن المجدافين ، ورمق آدم بنظرات محتقنة و…
-يزيد على مضض : دي أخر مرة هابقى معاك على نفسك المركب
-آدم بتهكم : كل مرة بتقول كده ، ومش بتلاقي حد إلا انا يرضى يركب معاك .. ده سترك وغطاك
أشـــــاح يزيد بوجهه ، وظل يتمتم بكلمات غير مفهومة ووجهه عابس نوعاً ما و…
-يزيد وهو يزفر في ضيق : أووووف .. !
لوح آدم بيده إلى أحد الأشخـــاص ثم هنئه على فوزه ، ووعده بمنافسة أخرى لاحقة لرد إعتبارهما …
تأمل يزيد انعكـــاس أشعة الشمس اللامعة في المياه ، وشرد للحظات في ذكريات ماضيه الآليمة
يزيد سليمان جودة ، هو شاب قارب على منتصف الثلاثينات من عمــره ، يعمل بالقوات البحرية المصرية ، في رتبة مقدم .. وينحدر من أصول صعيدية ، يمتاز يزيد بالجسد الرياضي المفتول نتيجة ممارسته لرياضة التجديف بإستمرار ، أما بشرته فهي قمحية خشنة .. ملامح وجهه شرقية بحتة ، ووجهه دائماً يشير إلى صرامته ، وقسوته .. أما عينيه فهي عميقة و تمتاز باللون الزيتي الممزوج باللون العسلي .. ورغم نعومة خصلات شعره الأسود الدهني إلا أنه دائم حلقه إلا في العطلات الطويلة من عمـــله الذي يتطلب هذا على الدوام ..
تزوج يزيد بعد تخرجه من الكلية البحرية بعامين من شابة تدعى هايدي وتعمل كطبيبة أمراض نساء ، واستمر زواجهما لعدة سنوات قبل أن يحدث الانفصــــال بينهما منذ خمسة أعوام .. لم ينجبْ يزيد أي أطفال رغم رغبته الشديدة في هذا ، وذلك بسبب إصرار زوجته وقتها على الاهتمام بعملها أولاً و….
………………………..
Flash Back ◘◘◘ لما حدث ،،،،،
في منزل يزيد ،،،
ألقت هايدي بثياب عملها على الأريكة الموضوعة في غرفة نومهما ، ثم استدارت بجسدها لتنظر إلى زوجها ، ووجهها مكفهر ، و..
-هايدي بحدة ، وبنظرات حانقة : أنا قولتلك بعد الدكتوراة هابقى أشوف الموضوع ده
-يزيد بحنق وهو يجز على أسنانه : يعني م*وت يا حمار
-هايدي بنبرة ممتعضة : حسن اسلوبك شوية معايا، أنا مش شغالة عندك ، وأظن احنا متفقين على كده
-يزيد بنبرة غاضبة : الكلام ده كان من سنين يا هانم ، وأنا خلاص زهقت وعاوز عيال
-هايدي بإصرار : وأنا مش هاضيع شغلي ولا اللي وصلتله عشان خاطر العيال وقرفهم
-يزيد بنظرات نارية مشتعلة ، ونبرة هادرة : وأنا مش عاوزك تشتغلي ، سيبي أم الشغل ده ، واتفرغي ليا ولبيتك
-هايدي بتهكم : هــه ، أتفرغلك !! ده على أساس إنك 24 ساعة هنا ، وأنا مش ملاحقة على طلباتك ، ده انت يوم هنا ، و20 لأ .. انت ناسي ولا ايه !!
-يزيد وهو يلوي فمه في انزعاج : والله مش ذنبي انك اتجوزتي ظابط بحري ..!!!!!
-هايدي بنظرات متحدية ، ونبرة عنيدة : ومش ذنبي أنا كمان ، انت عارف كويس أد ايه شغلي ومنصبي مهمين بالنسبالي
