رائعة ج ١
كما أتيح ليزيد أن يختار الطاقم الذي سيتولى تدريبه ، وهو عقد العزم على أن يكون أفراد طاقمه من ذوي المهارة والكفاءة ..
…………………….
عــــاد يزيد إلى غرفة سكنه الملحقة بمركز التدريب وهو متحفز لإثبات جدارته في تلك المهمة التي كُلف بها ..
سمع يزيد طرقات على باب غرفته ، فسمح للطارق بالدخول ، فإذ به آدم يدلف للداخل ، وعلى وجهه تعابير هادئة ..
دقق آدم النظر في يزيد الذي كان يعد حقيبة صغيرة ويملأها بالملابس المرتبة و…
-آدم بنبرة حماسية : واضح كده إن الاجتماع ده جه بفايدة
-يزيد متسائلاً بجدية : ليه ؟
-آدم وهو يشير بعينيه ، وبنبرة متحمسة : طالما بدأت تجهز الشنطة الهاند باج دي يبقى انت ناوي على حاجة مهمة
-يزيد مبتسماً من زاوية فمه :عــادي
-آدم وهو يهز رأسه نافياً : لأ مش عادي ، المهم إيه الأخبار
ســـرد يزيد بهدوء شديد المهمة الموكلة إليه ، والخاصة بحضور دورة تدريبية مكثفة لمدة إسبوعين من أجل معرفة كل ما يخص التعامل مع الفرقاطة البحرية الجديدة التي ستنضم للأسطول البحري المصري الشهر المقبل
تحمس آدم لتلك الأخبار السارة ، و..
-آدم بنبرة متعشمة : وطبعاً أنا معاك وش في الطاقم بتاعك
-يزيد بنظرات جادة ، ونبرة هادئة : ربنا يسهل
-آدم بحماس : اكيد هيسهل إن شاء الله ، إنوي انت بس ، وهتلاقيني في وش المدفع
-يزيد مبتسماً : طيب
-آدم غامزاً : مش هوصيك بقى ، عاوزك تركز وتجيبلنا أرار الفرقاطة دي ، انت عارف أنا بم*وت في الحاجات التفاريحي اللي زي كده
-يزيد باستغراب : تفاريحي ..!!
-آدم مبتسماً بسعادة : أه طبعاً ، هو احنا بيجيلنا كام فرقاطة ؟؟
-يزيد مبتسماً في تهكم : لأ عندك حق ، أنا من دلوقتي هحذفك من على قايمة المرشحين للتدريب عليها
-آدم بحزن زائف : ليه كده بس يا ابن عمي ، أهون عليك
-يزيد بنظرات جادة ، ونبرة شبه قوية : آه تهون
-آدم بخفوت مصطنع : طب لو قولتلك عشان خاطر سلمى ؟
أخذ يزيد نفساً عميقاً ، ثم زفــره على مهل ، ونظر إلى آدم بنظرات ثابتة ، وظل صامتاً للحظة ثم …
-يزيد مكملاً بهدوء : جيت على نقطة ضعفي
-آدم بتعشم : ما هي الوحيدة اللي مابتقدرش تقولها لأ ، ها موافق ؟
-يزيد وهو يوميء برأسه : أهـــا
احتضن آدم يزيد ، وربت على ظهره ، و..
-آدم بحمــاس : البت سلمى دي عاملة زي التأشيرة اللي بتعدي أي حاجة مستعصية عليا معاك
-يزيد مبتسماً بغرور : احمد ربك على إنها بنتك
-آدم بنبرة متهلفة ، ونظرات مشرقة : ألف حمد وشكر ليك يا رب ، عقبال ما ربنا يكرمك بواحدة حلوة كده تحبها ، وتتجوزها ، وتجيبلك عيال ، و آآ….
