رائعة ج ١
زفـــرت شيماء في انزعاج ، ثم تذكرت ما حدث في عزاء ابن الأستاذ بركات ، وقررت أن تحكي لزوجها ما دار فيه ..
استغرب آدم مما سمعه ، وأشفق على تلك الفتاة البائسة و…
-آدم بنبرة استنكار : بصراحة حاجة تكسف ، ولية معندهاش دم ، ذنب البت ايه في م*وت جوزها ، كل واحد وليه ميعاده ، هي هتدخل في قضاء ربنا …!!
-شيماء وهي تزم شفتيها بتهكم: ماهو قليل البخت بيلاقي العضمة في الكرشة
-آدم مازحاً : طب بمناسبة الكرشة ، والفشة ، والموبار والذي منه ، ناوية تطبخيلنا ايه الاجازة الجاية ؟
-شيماء مبتسمة وبنبرة ناعمة ومثيرة : مممم.. أما تيجي هاقولك
-آدم بحماس : أنا حاسس إني رفدي هايجي على ايدك قريب ان شاء الله يا قلبي
-شيماء بدلال : بعد الشر عنك يا حبيبي …
……………………………………..
في منزل فرح عبد الحميد ،،،،
عاونت إيلين السيدة فوزية في وضع فرح في فراشها بغرفتها ، ثم دثرتها السيدة فوزية جيداً ، وجلست إلى جوارها على طرف الفراش تمسد على شعرها وتمسح على وجنتيها في حنان بالغ …
استأذنت إيلين بالانصراف ، فأوصلتها فوزية ناحية باب المنزل ، ثم وقفت كلتاهما للحظات ، ونظرت إليها فوزية بإمتنان شديد وهي تشكرها على ما فعلت معها ، فردت إيلين بـ …..
-إيلين بنبرة حزينة : يا طنط فرح أكتر من اختي ، أنا بس مصدومة من اللي حصلها ، مكونتش اتخيل إن كريم يعمل كده فيها ..
أخذت إيلين نفساً عميقاً قبل أن تردف بـ ..
-إيلين متابعة بنبرة شبه حانقة : طب ليه عمل فيها كده ؟؟ ليه بالرغم من الحب اللي هي حبيتهوله ؟؟
-فوزية بنبرة منكسرة : حسبي الله ونعم الوكيل ، أنا مش عارفة ليه !! أنا كل اللي يهمني الوقتي بنتي ، الله أعلم باللي هيحصلها بعد كده
-إيلين بإنزعاج : صدمتها فيه كبيرة يا طنط ، ولازم نعذرها
-فوزية وهي تهز رأسها في قلق : أوي يا بنتي .. ربنا يقويها على اللي هي فيه ، وينجيها ..!
-إيلين بنظرات ثابتة ، وبحزم : وأنا مش هاسيب فرح يا طنط ، هافضل معاها لحد ما تعدي الفترة دي على خير
أطرقت فوزية رأسها في خزي ، وابتلعت ريقها في مرارة ، ثم رفعت بصرها لتنظر إلى إيلين بنظرات متوسلة و….
-فوزية برجاء : معلش يا بنتي هاطلب منك خدمة تانية
-إيلين بتوجس : قولي يا طنط
-فوزية بنبرة متلعثمة : يعني .. آآ… ممكن ماتقوليش لحد على .. آآ… على اللي حصل وكده ، مش .. مش عاوزين حد يشمت فيها وآآآ…
