رائعة ج ١
أمسك يزيد بذراع هايدي ، وجذبها نحوه بقوة ، ثم حدق في عينيها بشراسة و…
-يزيد بنبرة قوية غاضبة : وأنا فين يا هانم من شغلك
-هايدي متآلمة : آآآه ، سيب ايدي
أرخى يزيد قبضة يده عن ذراع هايدي ثم دفعها للخلف ، وأشـــاح بوجهه بعيداً عنها وهو يزفر في انزعاج و…
-يزيد وهو يحاول السيطرة على انفعالاته : يا هايدي أنا بحبك ، وعاوز أخلف منك عيال ، ليه مش عاوزة تفهمي ده
أخذت هايدي نفساً عميقاً ، وحاولت هي الأخـــرى أن تبدو طبيعية أمام زوجها و…
-هايدي بصوت هاديء وناعم : حبيبي ، أنا معنديش مانع نخلف
ثم صمتت هايدي للحظات تترقب ردة فعل زوجها ، وتابعت بـ …
-هايدي بخفوت ، ونظرات متوجسة : بس مش دلوقتي !
استدار يزيد برأسه ناحيتها ، ثم حدق في عينيها و…
-يزيد بعصبية : أومـــال امتى ؟؟؟ اديني ميعاد مناسب ليكي يا هانم
-هايدي بنبرة ممتعضة : قريب ان شاء الله
-يزيد متسائلاً بضيق : يعني امتى ؟
-هايدي بجدية : لما أخلص مناقشة الدكتوراة
-يزيد وهو يزمجر بعنف : يادي الزفتة الدكتوراة دي ، يعني انتي مش بتحسي بالغيرة وانتي شايفة كل ست بتجيلك تكشف عندك وهتبقى أم ، وتتمني تبقي زيها
-هايدي بإيجاز : لأ
-يزيد بنبرة منزعجة : يا شيخة ده طباخ السم بيدوقه
-هايدي وهو تزفر في غضب : يووووه ، انت مش همك إلا نفسك ، عاوزني أتلبخ في الخلفة والعيال ، وأضيع تعب السنين دي كلها عشان انت تبقى أي
-يزيد بإنفعال مفرط : إنتي اللي بتبقي شغلك عليا ! وأنا راجل صعيدي مقبلش كده ، أنا عاوز عيال وأسرة وآآ..
-هايدي مقاطعة بتهكم صريح : قولتلي بقى ، العرق الصعيدي الجاهل المتخلف ده هيطلع عليا ..!
لم يتحمل يزيد إهانة زوجته لأصول عائلته ، فرفع يده عالياً في الهواء ، ثم هوى بها على وجهها ليصفعها بقسوة
-يزيد بصوت هـــــادر ، ونظرات شرسة : اخرســـــــــي ….!!!
تأوهت هايدي من الآلم ، ووضعت يدها على وجنتها ، ونظرت إلى يزيد بنظرات ساخطة و…
-هايدي بنبرة صادحة : انت انسان همجي ومتخلف ..!!!
أمسك يزيد هايدي من شعرها ، وجذبها بعنف منه ، فهددته بتحرير محضر ضده ، واتهامه بالاعتداء عليها ، وفضحه في عمله ، فحرر خصلات شعرها من أصابع يده ، ودفعها بعنف للخلف ، فاعتدلت هي في وقفتها واستمرت في توجيه نظراتها الساخطة له وآآ… ◘◘◘◘
