رائعة ج ٦

……………………………..

اصطدم يزيد بجسد آدم بقسوة حينما كان يمرق بالممر الموصل للحديقة ، فأوقفه الأخير بالقوة بعدما أمسكه من ذراعيه و…
-آدم متسائلاً بتوجس ، وبنظرات متفرسة : يزيد ، في ايه اللي حصل ؟ انت .. قابلت هايدي فعلا ؟؟؟
-يزيد بنظرات شرسة ، ونبرة محتقنة : معاك مفتاح عربيتك ؟

قطب هو جبينه في عدم فهم ، ثم رمقه بنظرات حائرة و…
-آدم متسائلاً بترقب : أيوه معايا ، بتسأل ليه ؟

رفع يزيد يده في مواجهة آدم ، ثم رمقه بنظراته القاتمة قبل أن يتابع بـ …
-يزيد بنبرة متصلبة وهو يجز على أسنانه : هاته !
-آدم بتوجس ، ونظرات حائرة : ليه؟
-يزيد بنبرة أكثر حنقاً ، ونظرات مخيفة : هاتجيبه دلوقتي ولا أروح أشوف غيرك

وضع آدم يده في جيب بنطاله العسكري ثم أخــــرج منه ميدالية المفاتيح التي تضم مفتاح سيارته وكذلك منزله وبعض المفاتيح الأخرى ، ثم سحب المفتاح الخاص بالسيارة وأعطاه له و…
-آدم بنبرة قلقة ، ونظرات مرتبكة : اتفضل ، بس انت مقولتليش عاوزه ليه ؟

جذب يزيد المفتاح بعنف من يد آدم ، ثم تركه بعد أن دفعه من كتفه ، ودلف إلى داخل حديقة النـــادي ، فركض خلفه آدم وهو متوجس مما سيحدث لاحقاً …

…………………

اقتربت شيماء من طاولة السيدة فوزية بعد أن لمحت فــرح وهي تنهض من على مقعدها وتسير في اتجاه الطاولة الخاصة بالمأكولات ، ثم وقفت قبالتها و…..
-شيماء بنبرة ضائقة ، ونظرات جادة : بصي بقى أنا معرفش انتي وبنتك ازاي وصلتوا ليزيد ، بس أنا مش قابلة بموضوع الجوازة دي من غير ماهو يعرف حقيقتكم

نهضت السيدة فوزية عن مقعدها ، ورمقت شيماء بنظرات منذرة قبل أن تتجه ناحيتها بخطوات بطيئة ، ثم وضعت يدها على كتفها و…
-فوزية بنبرة منزعجة : بصي يا بنتي الكلام اللي بتقوليه ده مايصحش ، مش معنى إني ساكتة عن اللي بتقوليه ده إني راضية بيه ..!
-شيماء بنبرة متشنجة ، ونظرات جاحظة : ولا أنا موافقة على آآآ…
-فوزية مقاطعة بنبرة جـــادة : بصي يا بنتي قبل ما تقولي كلام تندمي عليه بعد كده يزيد عارف كل حاجة عن بنتي ، وعارف هي بنت مين وكانت متجوزة قبل كده من مين ، وأنا عارفة كل حاجة عنه ، فبلاش تظني السوء في الناس وتحكمي عليهم لمجرد إن مش عاجبك الحال