رائعة ج ٦
حاولت هي أن تتحكم في نفسها ، وألا تذرف الدموع أمامه ، فقد كانت هناك غصة في حلقها تؤلمها بشدة ، وبدأ صوتها يتحشرج ، و..
-فرح باستغراب شديد ، ونبرة شبه مختنقة : انت .. انت بتقول عني كده ليه ؟؟
-يزيد بتذمر جلي : لأنها الحقيقة ..!!!
ثم صمت لبرهة ليخرج فيها تنهيدة مريرة ، ومن ثَم …
-يزيد بنبرة محبطة ، ونظرات محتقنة : أنا ماندمتش في حياتي على حاجة عملتها غير على جوازي منك ، ومنها !!!
شعرت فرح أن دلواً من المـــاء المثلج قد أُسقط تواً فوق رأسها ، حيث عقدت حاجبيها في صدمة كبيرة ، وقطبت جبينها في اندهاش ، واتسعت عينيها في ذهول مفاجيء ، ثم …
-فرح بنبرة مشدوهة ، ونظرات جاحظة : انت .. انت كنت متجوز هــ.. هايدي ؟
-يزيد بزمجرة مخيفة : أيوه كنت متنيل متجوزها ، اعملي بقى انك عبيطة ومش عارفة ده !
ثم رمقها بنظرات مهينة قبل أن يكمل بـ …
-يزيد بتهكم صارخ : يا شيخة ده انتي طلعتي استاذة في التمثيل !!!!!
اعتدلت فرح في جلستها ، وحدقت أمامها بنظرات مذهولة مصدومة ، ثم ..
-فرح بنبرة متلعثمة : آآ.. يعني .. يعني أنا .. مش أول واحدة في حياتك ، وهي .. هي تبقى مراتك
اشتعل يزيد غيظاً منها ، فقد ظن أنها تمارس عليه نوعًا جديداً من الألاعيب الصحفية التي تجيدها ، لذا مـــد يده ، وأمسك بها من ذراعها ، وجذبها بقسوة منه ناحيته ، فمـــال جسدها في اتجاهه ، ورغم أنها كانت تحاول الابتعاد عنه إلا أنها لم تستطع ، فقد كان أقوى منها ، ثم حدق مباشرة في عينيها بنظرات مليئة بالكره والحقد .. نظرات لم تعهدها هي منه من قبل و…
-يزيد وهو يجز على أسنانه في وحشية : اقسم بالله لو ما بطلتي الاستعباط اللي انتي فيه ده لأدفنك هنا وآآآ…
سحبت فــرح يدها من قبضته ، وأرجعت نفسها للخلف ، ثم رمقته بنظرات شبه دامعة ، و…
-فرح بصراخ حـــــاد : بس بقى كفاية حرام عليك ، أنا .. أنا مش مصدقة نفسي ، أنا ازاي آآآ.. ازاي اتسرعت ووافقت على الجوازة دي ، ازاي اتهبلت في عقلي ووافقت أتجوز واحد معرفش عنه حاجة
-يزيد وهو يلوي فمه في تهكم ، وبنظرات ساخطة : ده على أساس ان أمك مقالتلكش حاجة ، ده انتي المفروض تاخدي اوسكار أحسن منافقة !!
لم تجب عليه فرح بل اكتفت برمقه بنظرات استنكار ، ثم مـــدت يدها لتمسك بمقبض الباب لتفتحه ، ولكن أسرع يزيد بإمساكها بعنف من ذراعها وجذبها ناحيته ، ومنعها من الترجل من السيارة ، وأمسك بها من معصميها بقبضتي يده ، و…
-يزيد بنبرة متصلبة : أنا مخلصتش كلامي عشان تسيبني وتمشي
