مستنيك 3الاخبر
_بعيد الشر عنك.
اتسعت ابتسامته وهو يقول:
_بعدك عني هو الشر اللي مستحيل أقبل بيه، بدر من غير قمر ميسواش حاجة صدقيني.
_قمر أصلاً حتة من بدر.. تفتكر ممكن تقدر تبعد عنه بعد مااتأكدت ان هو كمان بيحبها.. النهاردة أسعد يوم في حياتي كلها.. أنا بحبك قوي يابدر.
رفع كفها يقبل أناملها بحب قبل أن يتطلع إليها قائلاً:
_وأنا كمان بحبك ياقلب بدر.
ابتسمت بسعادة تتطلع إلي مقلتيه بحب شع من عسليتيها فربض في عسليتيه.
______
تعلقت عيناها بعينيه لا تتزحزح بعد أن مرت عليه بالكامل تتأكد من أنه بخير تماماً بينما يجلس إلي جوار جدها حتي تنحنح الجد مستأذناً بعد أن تمني لهما السعادة، عاتبته علي الفور بعد أن غادر الجد قائلة:
_انت أكيد اتجننت، حد يبقي مضروب بالنار ويسيب سريره ويتعب نفسه بالشكل ده؟
نهض واقترب منها يجلس علي الكرسي جوارها وهو يقول:
_لما حد يقول لراجل ان مراته آخدة حقنة مهدئة عشان مقدرتش تتحمل فكرة فراقه يبقي لازم ييجي ويطمن عليها بنفسه.
قالت بارتباك:
_مين قالك الكلام ده بس؟ الكلام ده مش صحيح.
حدجها بنظرته التي تنفذ لأعماقها وهو يقول:
_انتِ قصدك مثلاً ان جدك بيكدب؟
قالت علي الفور:
_لأ طبعاً.
قبل أن تردف بارتباك:
_قصدي يعني ان هو ده اللي فهمه لما أغمي عليا بس الحقيقة اني مكلتش من الصبح وده وطالي ضغطي شوية.
_مكلتيش..قولتيلي.. يبقي لازم تاكلي حالاً.
نهض فجأة فعاوده دواره،أمسك بأنامله مابين حاجبيه وهو يغمض عينيه بينما أسرعت رقية بالنهوض تمسكه من يده وتجلسه علي السرير، تقول بقلق ملهوف:
_انت كويس ياغريب.. فيك حاجة.. أندهلك الدكتور؟
فتح مقلتيه قائلاً:
_مفيش داعي.. أنا كويس متقلقيش.. الحركة الفجائية بس بتعملي دوخة.
_أكيد من الدم اللي خسرته.. أنا هنده الدكتور نطمن أكتر.
تمسك بأناملها يمنعها قائلاً:
_قولتلك أنا كويس.. تعالي اقعدي جنبي.. انتِ كمان محتاجة الراحة.
_جنبك فين؟
قالتها بارتباك، فقال:
_جنبي علي السرير طبعاً، السرير كبير علي فكرة ومتخافيش مش هقرب منك.
_أنا مش خايفة.
_واضح الصراحة.
جلست جواره تقول بغيظ من لهجته الساخرة:
_قولتلك مش خايفة.
ارتطمت به فأنّ، قالت في لهفة وهي تضع يدها علي صدره:
_أنا آسفة والله ماقصدت.
ابتسم بوهن وهو يضع يده علي يدها قائلاً:
_ولا يهمك.
