مستنيك 3الاخبر
_بس ده معناه خراب بيتها ياحاج.
_اللي رايده ربنا هيكون.
______
_من فضلك ياحاج همام وبعد اذنك طبعا.. احنا هنسافر دلوقتي، زي ماحضرتك سمعت أنا عندي سفرية مهمة، عقد مهم لازم أسافرله الفجر بيروت ومينفعش أتأخر أكتر من كدة.
_بس انت لسة خارج من المستشفي ياولدي.. هتقدر تسافر طوالي إكده؟
_أنا بقيت كويس متقلقش..و زي ماقولتلك السفرية مهمة ومينفعش تتأجل.
قالت نجاة:
_طب ماتهمل رقية إهنه أدامك هتسافر لحد أما تعاود كيف ماكانت بتعمل…..
قطعت كلماتها وغصة بالحلق تراودها وقد كادت أن تذكر اسم ابنتها فتذكره وتذكر الجميع بمافعلت، أدركت رقية ذلك فقالت بسرعة تتجاوز بفطنتها الإحراج الذي سببته الجدة:
_مش هينفع ياتيتة.. أنا لازم أكون جنبه عشان أحضرله الشنطة وأودعه في المطار.
_حقك يابتي بس إلهي يسعدك بلاش تيتة دي، قوليلي ياجدة.
_حاضر ياجدة.
_يحضرلك الخير يابتي.
قال غريب:
_ها.. قولت ايه ياحاج؟
_هو فيه قول بعد قولك.. قوم ياولدي.. خد مرتك وادلوا مصر ربنا يسلم طريقكم ويحفظكم.
نهض الجميع يودعون رقية وغريب وسط الدموع والوعود بعودة سريعة ولقاء قريب.
_______
كانت تجلس علي حافة النافذة العريضة المحاطة بقضبان حديدية تتطلع في شرود إلي الخارج، نداء بإسمها أخرجها من شرودها، التفتت إلي مصدره فالتمعت العينان الخاليتان وهي تهتف باسمه قبل أن تسرع إليه وتضمه بقوة قائلة:
_اتوحشتك قوي باحسان.
قطبت جبينها حين شعرت ببرودة من جانبه حتي انه لم يرفع يده ويبادلها ضمتها، ابتعدت عنه تتطلع إليه قائلة برجاء:
_انت مش هتسلم عليا ولا إيه ياخوي؟
_كيفك ياسعاد؟
_بخير دامك بخير.. انت جيت منشان تاخدني ونعاودوا البيت مش إكده؟
صمت فقالت بقلق:
_حسان.. انت جيت عشان تاخدني مش إكده؟
_إنتِ لساتك تعبانة ومحتاجة علاج.
قالت بسرعة:
_لاه لاه أني زينة، متصدقهمش ياحسان، بوي عيظلمني متوانس مع الداكتور لجل يقولوا علي مجنونة ويفرقوا بيناتنا.
_وهيعملوا إكده ليه إياك؟
_لجل يجوزوك ثريا، ثريا عاودت البلد، عاودت لجل تاخدك مني.
_ثريا ماتت ياسعاد، شيليها من نافوخك بقي.
_لاه ثريا مماتتش،هي بس غيرت اسمها عشان تخدعني بس أني عرفتها طوالي، ثريا عاودت البلد والكل حاوطها بالحب ونسيوني وانت كمان رايد تنساني وتعاودلها مش إكده؟
_أني ماشي وهبقي…..
