مستنيك 3الاخبر
_لا يابيه أبوس إيدك إلا البوليس.. أنا عندي ولاد هيتشردوا من بعدي.
قال بنبرة خالية:
_كنتِ فكرتي فيهم قبل ماتسرقي وتأكليهم حرام.
أمسكت يده تقبلها وهي تقول :
_أبوس إيدك ارحمني…..
نفض يدها وهو يقول:
_أنا معنديش رحمة للي زيك.
لطمت خدودها وهي تقول بانهيار:
_يامرك ياتحية.. ولادي هيروحوا فين من بعدي؟
_يلا ياست نعمات مستنية إيه؟
اتجهت نعمات للهاتف بينما تحية ترغي وتزبد ثم لمعت عيناها فجأة وهي تقول:
_أنا عندي كلام يخص الست رقية هيريح قلبك، لو اعترفت بيه ترحمني يابيه؟
توقفت يد نعمات التي تضغط الأرقام علي الهاتف فأشار لها غريب بنعم ثم قال لتحية:
_اتكلمي.
_توعدني الأول يابيه لو حكيتلك ترحمني وتسيبني أمشي وأنا أوعدك إنك متشوفنيش تاني أبداً.
_اتكلمي ياتحية.
_اوعدني الأول يابيه.. وعود بيت المنياوي دين في رقابيهم.
_أوعدك.
_الست رقية بريئة، ضحية لمؤامرة واللي خطط ليها الست نيفين وأخوها مراد.
اعتصر غريب قبضته بقوة بينما عيناه تتسع بصدمة وألم وحسرة وتحية تقص عليه تفاصيل تلك المؤامرة الحقيرة لينهش الندم قلبه وقت لا ينفع الندم.
______
_انتِ متأكدة انك بقيتي أحسن ياروكا.
استقامت رقية في سريرها تقول:
_صدقيني.. أنا بقيت كويسة الحمد لله.. سافري انتِ ومتقلقيش.. انتِ بقالك معايا هنا أسبوع.. أكيد وحشتي مامتك ده غير أجازتك اللي خلصت دي.
_أنا بفكر أستقيل من الشغل.
_بس انتِ بتحبي شغلك قوي ياقمر.
_بحب بدر وبيتي أكتر.
_ربنا يهنيكم ياقلبي.
_ويهنيكي ياعمري.
ابتسمت رقية بمرارة قائلة:
_الظاهر مبقاش فيها هنا يا قمر، الظاهر اني منحوسة، حتي الراجل اللي حبيته من بين كل رجالة الدنيا يطلع أخويا.
_الحمد لله ان جوازكم كان صوري لو كان حقيقي كانت هتبقي كارثة.
_الكارثة موجودة يابنتي.. أنا قلبي عرف الحب علي ايده هو وحتي لما ظلمني وجرحني فضل يحبه هو ولحد دلوقت رافض يصدق انه أخويا ولسة بيحبه ومعذبني وياه.
_بكرة الأيام هتداوي جرحك وتنسيكي غريب يارقية.
_ادعيلي أنساه ياقمر بالله عليكي..أنا بلعن قلبي كل يوم وأنا شايفاه باقي على حب مبقاش ينفع يكون موجود فيه.
_هدعيلك ياقلبي.. انتِ لسة مصممة ترجعيله ورثك من باباكي اللي حطه في حسابك في البنك لما بعتلي التقرير مع جواب مامتك الله يرحمها.
هزت رأسها بنعم فأردفت قمر:
_ولو اني شايفة انك غلطانة وده ورثك وحقك بس اللي تشوفيه هيريحك اعمليه.
