مستنيك 3الاخبر
______
_تفتكر إنها حامل يابوي؟
تفوه صالح بهذه الكلمات فرمقه همام بحنق قائلاً وهو يتلفت حوله:
_اكتم خاشمك ياولد لحدا يسمعك.. حامل كيف وهي بتياب العرس.
همس راضي:
_بس هي متجوزة يابوي علي سنة الله ورسوله وانت خابر ان الفرح ده لجل……
قاطعه همام قائلاً:
_قولت تسكروا خاشمكم دلوكيت، احنا خابرين بس مفيش حدا من البلد خابر.. أني مش عارف ربنا مبتليني في ولادي كلياتهم ليه؟طب حدا منيكم يبقي ناصح ان شا الله.
تطلع كل من راضي وصالح إلي بعضهما البعض بحنق قبل أن يشيحا بوجهيهما، بينما خرج الطبيب من الحجرة فتوجه إلى همام_كبير البلدة_قائلاً باهتمام:
_حفيدتك بخير ياحاج، ضغطها وطي شوية من اللي شافته،هي فاقت وبخير بس نفسيتها تعبانة هبابة، أني اديتها حقنة مهدئة لجل تنام وترتاح وتبقي أحسن.
_متشكرين ياداكتور.
ظهر التردد علي محيا الطبيب فاستحثه همام قائلاً:
_خير يادكتور، مش قولتلي إن جوز حفيدتي بخير وإن الطلقة عدت من جسمه من غير ماتصاوب حاجة؟ وحفيدتي كمان بخير أهي؟ يبقي ليه حاسس ان فيه حاجة مخبيها عليّ؟
عدل الطبيب من وضع نظارته وهو يقول متلعثماً
_الممرضة يعني سمعت حدا بيقول ان جايز العروسة يعني.. تكون.. تكون….
_تكون ايه ياداكتور؟
قالها همام بانفعال فقال الطبيب علي الفور:
_حامل.
نهض همام يتطلع إلي كل من حوله بغضب فأطرقت تهاني برأسها أرضاً بينما شعر كل من راضي وصالح بالخوف ليعود همام بناظريه للطبيب يقول بحذر:
_وهي حامل ياداكتور؟
_أستغفر الله ياحاج، حفيدتك زي الفل.. ولسة عذراء كماني.
فغر الجميع أفواههم بينما قطب همام حاجبيه، اندهش الطبيب الذي توقع أن يُسّر الجميع بهذا الخبر، كاد صالح أن يقول كلمة فأشار له همام بالصمت قائلاً للطبيب:
_احنا متشكرين ليك ياداكتور؟سكرت خشم كل واحد ملوش عازة و بسبب الأخبار الحلوة دي هكتبلك شيك تبرع مني للمشتشفي.. ربنا يبارك فيك ياولدي.
ظهر البشر علي ملامح الطبيب وهو يقول :
_ويبارك فيك ياكبيرنا، بالإذن ولو احتجتوا حاجة أني في أوضتي.
هز همام رأسه بينما غادر الطبيب ليقترب منه راضي قائلاً بحيرة:
_ازاي ياحاج……
قاطعه همام قائلاً بصوت خفيض:
_دلوكيت غريب يفوق ونفهم منه كل حاجة، المهم ان اللي حوصل جه في مصلحتنا واللي كانوا حاضرين كشف الداكتور علي بتنا هيذيعوا في البلد انها طاهرة وده هيموت كل الحديت الماسخ اللي كان داير عليها في البلد وهيخلينا نرفع راسنا وندب صوابعنا في عين أي حدا هيجيب سيرتنا بالعاطل ياولد همام.
