مستنيك 3الاخبر

_جالي عايز يرتبط بيا وأنا رفضته.

_الكلب الخسيس كان طمعان فيكي.

_وفيك لأخته.. بالمناسبة أخبارك ايه معاها؟ متخليش حاجة بسيطة زي دي تقف مابينكم.

_أنا عمري ماكنت هرتبط بيها بعد خيانتها ليا اول مرة.. وبعدين اللي حب من كل قلبه صعب حد تاني يدخل قلبه ويسكن فيه بعد حبيبته.. ياتري ممكن تلاقي في قلبك ذرة حب تشفعلي عندك وتخليكي تسامحيني يارقية؟

قالت بألم:
_الحب ده حتي القدر وقف ضده ومنعه، يمكن من رحمته بينا رغم كل شيء..كنا هنعمل ايه لو كنا اتجوزنا فعلاً ..مبقاش ليه لزوم الكلام ده دلوقت..أنا عموماً سامحتك،انت مهما كان أخويا فمن فضلك كفاية لحد كدة وامشي دلوقت أنا حقيقي تعبانة و………

شعرت بدوار وسواد يسحبها قبل أن تسقط أرضاً وآخر ماتسمعه نداءه الملتاع باسمها.

_______

كانت تسبح في فراغ كبير، تشعر بالخوف.. لم تطلب طول حياتها شيء سوى الأمان ولم تشعر به إلا في كنفه.. في غيابه تعلمت أن تتدرع بقوتها وثباتها ورُغم نجاحها إلا أنها مااحتاجت سوى رؤيته لتدرك أن أمانها الكامل في حضرته هو وهو فقط دون غيره.

سحبها صوت حنون يشوبه الحزن من متاهتها، الصوت يصير أكثر وضوحاً.. إنه صوته يقول برجاء:
_سامحيني ياحبيبتي، سامحيني ياأهلي وناسي.. ياكل ماليا..عذبتك وآلمتك كتير، وغلطت في حقك غلطة كبيرة قوي بس وعد مني هصلحها.. وعد مني مكررهاش تاني.. وعد مني تكوني معايا أسعد الناس ياأعز الناس.

فتحت أهدابها ببطء تقول بضعف:
_مبقتش أصدق وعودك ياغريب.. وعدتني قبل كدة وخلفت وعدك.. وعموماً الكلام ده مبقاش ينفع دلوقت.. احنا لازم نبعد عن بعض ،معتقدش اننا ممكن نكون اخوات حتى بعد اللي كان بينا ونعيش مع بعض تحت سقف واحد، الأحسن لينا نفضل زي مااحنا.. كل واحد في مكان ولو علي السماح فأنا قولتلك إني سامحتك.. يبقي تسافر حالاً ومتقربش مني تاني.. أنا اتعذبت كتير ومبقتش قد عذاب أكتر.

أمسك يدها يتطلع إلي عينيها قائلاً بحب:
_مقدرش أبعد عنك يوم واحد.. ساعة واحدة ولا ثانية بعد كدة….

سحبت يدها من يده تقول بعصبية:
_انت اتجننت،قولتلك مبقاش ينفع احنا اخوات.. اخوات ياغريب.. ابعد عني بقي قولتلك كفاية عذاب.

_بس احنا مش اخوات يارقية.

استقامت جالسة تقطب جبينها وهي تردد:
_مش اخوات.. والجواب وكلام المحامي وورثي من بابا الله يرحمه.