مستنيك 3الاخبر
قال بصوت أجش:
_ونزلت عشان آخد برشام الصداع، دورت عليه في المطبخ وملقيتهوش.
_انت تعبان..فيك حاجة؟
لهفتها جعلت صبره يوشك علي النفاذ فقال بسرعة:
_أنا كويس بس لو وقفتي قدامي أكتر من كدة مش هبقي كويس.. روحي ياقمر علي أوضتك وإلا هعتبر وقوفك ده تشجيع منك ليا وساعتها مش هقدر أمسك نفسي وانتِ لسة تعبانة.
جرت أقدامها جراً تجاه الغرفة، توقفت للحظة تطاوع وجيب قلبها الذي أراده كما أرادها قلبه، أغمضت عيناها للحظة تأخذ نفساً عميقاً ثم استدارت ترنو إليه بنظرة تمنحه إذنها بالتقرب منها ما احتاج غيرها قبل أن تكمل سيرها ويتبعها هو متناسياً أمر صداعه الذي ولدهشته قد اختفي الآن.. تماماً.
_______
_راح فين بس ياربي؟ آخر مرة شوفته لما رجعت البيت من شوية وحطيته علي الطرابيزة، تكونش الأرض انشقت وبلعته.. ياتحية.. تحية.
جاءت تحية تهرول قائلة:
_خير ياست رقية.
_مش خير أبداً ياتحية، تليفوني كان هنا من شوية ودلوقتي مش لاقياه.. غريب ممكن يكون بيكلمني دلوقتي ومش عارف يوصلي.
قالت بارتباك:
_هيكلمك علي تليفون البيت ياستي.
نعم سيفعل، شعرت بالراحة بعض الشيء ولكنها قالت :
_برضه دوري عليه ولما تلاقيه هاتيهولي الأوضة.
_حاضر ياست رقية.
اتجهت رقية إلي حجرتها ثم توقفت تستدير الي تحية قائلة:
_إلا قوليلي ياتحية.
تأهبت تحية تشعر بالوجل بينما تردف رقية:
_هي الست نعمات لسة مجتش من عند ابنها؟
_لأ مجتش.. هي كلمتني وقالتلي ان مرات ابنها لسة تعبانة وأول ماتبقي بخير هترجع.
_فكريني نكلم الدكتور سعيد و نروحلهم بكرة البيت.
_تحت أمرك.
اتجهت رقية إلي غرفتها بينما وضعت تحية يدها علي صدرها تقول بارتياح:
_خضتيني يااسمك ايه انتِ، مستعجلة علي رجوع نعمات ليه؟ خلينا مرتاحين وواخدين راحتنا علي الآخر.
توجهت إلي المطبخ، فتحت دولاب المطبخ وأخرجت الهاتف من إحدي الطناجر ثم فتحته وأرسلت إحدي الرسائل المكتوبة في ورقة أخرجتها من صدرها ثم أغلقت الهاتف وأعادته إلي مكانه وهي تبتسم بخبث.
______
كان يركب السيارة التي طلبها بعد أن هبطت الطائرة به في أحضان الوطن عائداً إلي منزله، لم يصطبر حتي الصباح وقد أنهي اجتماعه منذ فترة قليلة، فالشوق إليها بات ناراً لن تخمدها سواها، هي وابتسامتها الرقيقة كرقة ملامحها، رن هاتفه طالع شاشته فوجده رقماً غريباً، كاد أن لا يجيب ولكن تأخر الوقت أقلقه وأجبره علي الإيجاب.. كان الصوت غريباً وهو يقول :
_أستاذ غريب.
