مستنيك 3الاخبر
نفض الياقة من يده ثم استقام يحدجهم جميعاً بنفور قبل أن يستدير مغادراً، بينما أسرعت نفين تمسك تحية من يدها بقسوة وهي تقول :
_انتِ قولتيله ايه يابت انتِ؟ انطقي.
نهض مراد يمسك فكه بألم قائلاً بحنق:
_سيبيها تغور يانفين.. أنا مش ناقص وجع دماغ وروحي هاتيلي تلج.
تركتها مرغمة فأسرعت تحية بالهرب بينما يقول مراد:
_انتِ لسة واقفة هاتي التلج بسرعة.
_طب وغريب؟
_هو بعد اللي حصل لسة فيه غريب؟ يغور هو كمان.. انتِ نفسك قولتي انه قضية خسرانة..أنا عملت حسابي في واحد تاني صحيح ثروته نص ثروة غريب بس أهو يقضي الغرض وخلاص، يلا يابنتي هاتي التلج بسرعة.
أسرعت تحضر الثلج بينما جلس مراد علي الأريكة يتحسس فكه المتورم وهو يقول بحنق:
_ايدك تقيلة قوي ياغريب وأنا كنت عملت فيك ايه يعني عشان تضربني بالشكل ده؟
_______
_انت نورتنا ياغريب ياولدي.. كيفك وكيفها بتنا رقية؟
كان يجول بنظراته في المكان عله يراها أو يلمح طيفها فما ان استمع إلي كلمات الشيخ همام حتي عاد بانتباهه إليه يدرك أن رقية لم تأتي إلي هنا ليقول بارتباك:
_كويسة ياحاج همام.
_بلغتك سلامي؟
قطب غريب جبينه فأردف همام:
_لما كلمتنا آخر مرة قالت انك لسة مسافر بلاد برة ومعاودتش، الله يعينك ياولدي ويقدرك.
تحدثهم ولم تخبرهم عن انفصالهما..ولم تخبرهم عن أباها الحقيقي.. لم تخبرهم بشيء أمازالت تخشاهم وتخشي العودة إلي كنفهم بعد ماحدث آخر مرة؟
_مجبتهاش معاك ليه ياولدي ؟اتوحشناها قوي.
_المرة الجاية ياحاج.. الحقيقة أنا جاي المرة دي عشان موضوع حابب أكلمك فيه، طلب ولو وافقت عليه هيبقي مفاجأة حلوة لرقية هتسعدها قوي.
_قول ياولدي ولو في ايدي ألبيلك طلبك أني مش هتردد واصل.
_أنا عايز أبني مدرسة هنا وأسميها علي اسم والدة رقية الله يرحمها.. مدرسة الثريا واللي هتكون تكريم ليها وإحياء لذكراها ودي حاجة هتسعد رقية وتريح قلبها.
اغرورقت عينا همام بالدموع وهو يقول:
_فكرة حلوة قوي ياولدي وأني موافق طبعا وعندي ليك حتة أرض مناسبة جداً.
_تمام قوي كدة..نتفق بقى على سعرها.
_عيب عليك ياغريب ياولدي، بقي انت عايز تحيي ذكرى بتي وأنى مشاركش وياك.. طب دي تبقي حتي عيبة.
نهض غريب يقول:
_تمام ياحاج، في أقرب وقت هجيب المهندس اللي هيبني المدرسة ونبدأ الشغل علطول.
