مستنيك 3الاخبر
تذكر أباه في تلك اللحظة، تمثل أمامه يتطلع إليه بنظرة ساخرة.. يقول بشماتة:
_تشبهني كثيراً.. ألم أخبرك من قبل فكذبتني.
_لا.. لم أشبهك ولن أشبهك أبداً.
_إنك تشبهني حد التماثل، انظر إلي نفسك.. تقامر وتشرب الخمر وتبيع دمك ولحمك من أجل روحك العفنة….
_اصمت.. لا أريد منك حديثاً.. لا تُزد من عذابي.. يكفيك مافعلته بي طوال السنوات المنصرمة.. أوذيت بما يكفي.. ارحل وإلا قتلتك.
_كيف تقتلني وقد مت من قبل.. اقتل حالك إن استطعت ولكنك أجبن من أن تفعل.
اتجه إليه يقطع الطريق وعقله يصرخ بقوة وغضب:
_أخبرتك أن تصمت أيها الحقير وإلا……..
انتبه علي صوت زمور سيارة وحين التفت تجاهه رآها تتجه إليه بسرعة فرفع كفيه أمام وجهه وقد أدرك حتمية اصطدامها به واستحالة مفاداتها، كانت صدمة قوية ارتفع بسببها فوق الأرض ثم سقط أرضاً مدرجاً بالدماء وسط صرخات بعض المارة الذين رأوا الحادث وتجمهروا حول جثة هذا الشخص المجهول يمسكون بصاحب السيارة الذي ظل يقسم أنه لم يرى هذا الرجل وأنه ظهر أمامه من العدم.
______
_شوفت آخرتها يافؤاد، شوفت غريب عمل فيا إيه؟ أديني اطردت من المدرسة وبقيت لا شغلة ولا مشغلة.
_أنا قولتلك بلاش تلعب مع الراجل ده بس انت مسمعتش الكلام، أهو دور في ماضيك وجاب كل حاجة تدينك ودي النهاية..قاعد تندب حظك وتندم بس بعد فوات الأوان.
_انت شمتان فيا ؟
_وهشمت فيك ليه ياعبيط انت؟أنا بس بفكرك اني حذرتك وانت مسمعتش كلامي.
_طب والعمل؟ أنا قربت أفلس.
_شوفلك أي شغلانة ان شا الله تبيع مناديل في الإشارة لحد ماربك يفرجها ونشوفلك عقد عمل برة يظبطلك الدنيا البايظة دي.
اتسعت عينا صلاح بصدمة قائلاً:
_أنا علي الآخر الزمن أبيع مناديل في الإشارة.. بقي دي نهايتها.. لأ طبعاً مستحيل.. بقولك ايه يافؤاد ماتسلفني لحد ماألاقي شغل كويس.
_منين؟ماانت عارف البير وغطاه..أقولك..افتكرت حاجة ممكن تفيدك وتظبطلك الدنيا.
_ايه هي؟لايمني عليها الله يخليك.
_الست عزيزة، جدة محمود عتمان اللي كانت عايزاك تديله درس فرنساوي برايفت وانت مرضيتش.
_مكنش عندي وقت.. دلوقت عندي كتير.. كلمتك أديله تاني؟
_لأ كلمتني علي عريس..ايه رأيك تكون انت العريس ده؟
قطب جبينه قائلاً:
_عريس لمين؟ هي مش بنتها ماتت.
_ليها هي.
اتسعت عينا صلاح بصدمة:
_انت بتقول ايه ياحيوان انت.. انا اتجوز الحيزبونة دي.. مستحيل ولو دفعتلي كل فلوس الدنيا، أنا قايم ماشي قبل ماأتهور وأخسرك انت كمان.
