مستنيك 3الاخبر

_كان لازم حدا من ولادك يبقي راجل ويقوم باللي انت عاجز تعمله، راضي ملوش في الطين ولا الطحين وصالح زييه، منصور حاول بس خايب مقدرش يخرج عن طوعك، بس أني كفاية.. أني بميت راجل.

_والراجل في نضرك يإذي حدا من عيلته مهما كرهه، الراجل في نضرك يضرب ويجري..الراجل يقتل نفس بريئة ملهاش أيوتها ذنب.

_أني مليش صالح.. أني كنت باخد حقي وبس وللأسف فلتت منيها المرة دي بت ثريا لكن المرة الجاية….

_مفيهاش مرة جاية، أني هسلمك بيدي للحكومة ويحصل اللي يحصل.

_مش قولتلك عتحب ثريا أكتر مني، سامحتها ومش رايد تسامحني.

_لساتك حاقدة ومش شايفة اللي باين كيف السمس، كان ممكن أسامحك لو شوفت في عينك ضي ندم، اعتذار عن اللي حوصل، اعتراف بإنك غلطتي غلطة كبيرة في حق أهلك وناسك، غلطة كبيرة عند ربك، لكن انتِ مصرة علي غلطك كن شيطانك بيسوقك لقضاكي يابت نجاة.

_أبوس يدك يابوي متفضحنيش، حسان لو درا هيطلقني، أبوس يدك تسامحني.

_مش هينفع ياسعاد، مش هينفع أفوتك تإذي رقية أو أي حدا تاني، اللي زييكي مبيسلمش اللي حواليهم من آذاهم.

_إكده يابوي، يبقي انت اللي جيبته لنفسك ولعيلتك، مش هفوتكم كلياتكم ههرب واقتلكم كلكم.. هتشوف يابوي، أني سعاد بنت همام، أني بنت كبير البلد وزينة بناتها، أني محدش يقدر يمسني واصل واللي رايداه راح يصير، هتشوف يابوي.. هتشوف.

ظلت تردد الكلمات بهستيرية قطب لها همام جبينه، يدرك لأول مرة أن ابنته مريضة نفسية تحتاج للعلاج، ربما هذا هو الحل المناسب في هذه الحالة، سيضعها في مصحة نفسية لعل الطبيب يعالج روحها المهترئة ونفسها شديدة السواد وإن فشل هذا الحل وأصرت علي أفكارها سيفعل ما يجبره ضميره علي فعله ويسلمها للشرطة لتكون نهايتها ونهايته.
الفصل الرابع عشر

كان غريب يستند إلي وسادته ينظر إلي الأمام عاقداً حاجبيه بعد أن استمع إلي زائره ليقول زائره بحزن:
_متواخذناش ياغريب ياولدي، اللي حوصل من بتنا ليك شين ومنرضاهوش واصل لكن هنعملوا ايه؟ عطب النفوس واعر قوي وملناش يد فيه، النفس الصالحة بتوعي وتفهم وتدرا إن الأهل مبيفرقوش بين ولادهم لكن النفس الطالحة بتحقد وتكره وتإذي وفي الآخر تندم بعد فوات الأوان وأوان صلاح بتنا فات.

اختنق همام فالتفت إليه غريب يربت علي يده قائلاً:
_مفاتش الأوان ياحاج همام.. انت مش قولت انكم ودتوها مصحة نفسية؟ بإذن الله يقدروا يعالجوها وترجع بنتكم لحضنكم من تاني.