رواية جديدة 18-20
_والحل؟ هتفضلي تعيطي كده وتسيبيلها كل حاجة؟ رفعت شروق رأسها، ومسحت دموعها بعنف تغيرت نظرتها من القهر إلى تصميم جليدي ومخيف. قالت بصوتٍ بارد وحازم. _لا مش هسكت ومش هعيط تاني. وقفت ونظرت إلى والدتها مباشرة، وعيناها تلمعان ببريق شرير. _أنا كنت مستنية جاسر يكسرها ويرميها بس الظاهر إنها أفعى وبتعرف تلوّن والنوع ده… ملوش غير حل واحد. سألت الأم بترقب. _حل ايه؟ قالت شروق ببطء، تتلذذ بكل كلمة _لازم تختفي، لازم أخلص منها طالما هي عايشة وبتتنفس في البيت ده، يبقى مفيش مكان ليا يا أنا… يا هي.
نظرت الأم إلى ابنتها، ورأت في عينيها قرارًا لا رجعة فيه لم تحاول أن تمنعها، بل ارتسمت على شفتيها شبه ابتسامة راضية لقد أشعلت النار، والآن ستستمتع بمشاهدة الحريق وهو يلتهم كل شيء. الفصل العشرون ……………………. كان الليل قد حل على منزل جد أكمل، حاملاً معه سكونًا ثقيلاً لم يكسره سوى صوت النخيل. جلس أكمل ومالك في الحديقة الصغيرة أمام البيت كان مالك يتحدث في مواضيع شتى، عن ذكريات الطفولة، وعن بعض المواقف المضحكة التي جمعتهم، محاولًا ببراعة أن ينتشل صديقه من بئر الحزن الذي غرق فيه.
كان أكمل يشاركه بابتسامات باهتة وإجابات مقتضبة، مقدرًا محاولة صديقه، لكن روحه كانت لا تزال معلقة في مكان آخر. بعد فترة من الصمت، كان أكمل هو من بدأ الحديث هذه المرة، لكن نبرته تغيرت، أصبحت أكثر جدية وحدة، نبرة وكيل النيابة التي لم تفارقه تمامًا. قال وهو يضع كوب الشاي جانباً. _مالك فيه موضوع لازم نتكلم فيه. انتبه مالك على الفور، وشعر أن الحديث قد أخذ منحى آخر. _خير يا أكمل؟
_قبل ما عم صالح يتصل بيا… قبل ما أعرف خبر جدي… جاتلي مكالمة تانية. عقد مالك حاجبيه بقلق. _مكالمة إيه؟ _واحد اسمه فواز، بيقول إنه شغال عند ناس ليهم علاقة ببيت التهامي، وإنه اخد نمرتي من حد قريب. نظر أكمل إلى عيني مالك مباشرة، وقرر أن يلقي بالقنبلة ليرى رد فعله. _قالي إن صخر التهامي… اتهجم على نغم. تغيرت ملامح مالك في لحظة، ظهر على وجهه مزيج من الغضب والقهر والألم، وغمغم بغضب
_إللى واكل ناسه دى مابيستحى من حاچه واصل، كيف ياعنى يتهچم على مرت ابن اخوه؟ وكيف انت تعرف حاچة زي دي ومتجولش يا أكمل؟ وهو نفس رد الفعل الذي توقعه أكمل لكن أكمل لم يترك له فرصة للرد. _اسمعني للآخر قبل ما تتكلم. قال أكمل بحزم هادئ. _أنا فكرت في الكلام ده كتير اليومين اللي فاتوا فكرت فيه بعقلي، مش بقلبي والموضوع ده… مش راكب على بعضه. قال مالك بحدة مكتومة. _مش راكب كيف، الراجل سمعته عفشه وكلب فلوس، وإيه اللي يمنعه يعمل إكده؟!
