طلاق 2
الفصل الحادي عشر …!!! يومان فقط هما ما مروا يظن بهم المرء ألا تغيير يحدث لكن الدنيا تتبدل بلحظة دون أن ندرى … إستيقظت نورا بتثاقل لا تدرى كم عدد الساعات التى قضتها وهى نائمة غير مدركة سبب تعبها واعيائها بالأمس …. نظرت نحو ياسر النائم إلى جوارها بحب قبل أن تنهض من فراشها لتحضير إفطار يعوض ياسر عن تعبه معها بالأمس …. أثناء تحضيرها للإفطار فى هذا الوقت المبكر أخذت تحضر بعض أنواع الحلوى البسيطة فهى ماهرة جدا فى صنعها ….
إستيقظ ياسر بتعب باحثا عن نورا والتى وجدها تعمل بنشاط بالمطبخ … ياسر إيه النشاط دة على الصبح .. نورا أهو اعتبره تعويض عن تعبك معايا إمبارح .. طالت نظرته المحبه لها وهو يردف بحنو فقد إنتابه قلق شديد عليها بالأمس …. ياسر يا ريت تكونى إنت التعب على طول … نورا بلاش الدلع ده أحسن اتعود على كدة … ياسر لا إتعودي على كدة وأبو كده وأم كدة … ضحكت نورا ضحكتها العفوية المميزة بها قائله …
نورا طب يلا ادخل إنت الحمام عقبال ما أحط الفطار … ياسر ماشى كلام الحلوين …. تفكرت نورا للحظة قبل أن تخبره … نورا ياسر … بقولك إيه … أنا ح أنزل بعد الفطار أودى شوية حلويات من دول لمامتك تحت … ياسر ربنا يخليك ليا حبيبتى …. تسلم إيديك … ابدلت نورا ملابسها بأخرى تحسبا لوجود إخوة ياسر بشقة والديه وحملت طبقا من الحلوي قد أعدتها بطريقه لطيفة …. خلال الأيام القليلة السابقة كانت والدة ياسر تتجنب نورا بشكل ملحوظ حتى تعتاد على وجودها بالبيت فقد أصبح زواج ياسر منها أمرا واقعا وعليها الإعتياد على ذلك …
وهذا ما جعل نورا تفكر بمحاولتها لكسر هذا الحاجز بينهم والتودد إليها فهى بالنهاية أم زوجها … قابلتها أم ياسر برسمية إلى حد كبير حين قدمت نورا لها طبق الحلوي … نورا أنا جبت لكم شوية حلويات من إللى أنا عملاها .. تطلعت أم ياسر للطبق باستحقار قبل أن ترمق نورا بذات النظرة قائله … ام ياسر إيه دة ….! نورا دى حلوة أوى حتى دوقى كدة … دفعت أم ياسر الطبق بعيدا عنها بإشمئزاز لتهتف بحدة …
ام ياسر ادوق إيه !!!! … هو إنت أى حاجة ح تبوظ منك ح تزليها هنا عشان تخلصى منها …. ويبقى فى الآخر عملتى لنا حاجة حلوة … ولا دى من الحلويات إللى عملتيها إمبارح لصاحبتك وجايه ترمى البواقى عندنا …!!!! بهتت نورا لتتلاشى إبتسامتها وهى تدافع عن نفسها … نورا لأ طبعا … دة أنا لسه عملاها مخصوص والله …!!!!! ضړبت أم ياسر فخذيها بقوة وهى تنهض من جلستها وقد إحتدت نبرة صوتها المتضايقه …
