طلاق 2
ام ياسر بس إحنا مش صفيحة الژبالة بتاعة حضرتك ترمى فيها البواقى بتاعتك … بطبعها المرح وطيبتها الزائدة لم يكن من ردود إنفعالاتها الحدة مطلقا لكنها وجدت نفسها تهتف بإنفعال وقد إحتقنت نبرتها بشدة لإتهام أم ياسر لها بذلك … نورا أنا مقلتش كدة !!!!! … أنا غلطانه يعنى أنى عملت حاجة وقلت أنزل لكم منها ..!!! إتسعت عينا أم ياسر بإندهاش من حدة نورا وصوتها العالى لتستكمل بصړاخ فقد بدأت المشادة تأخذ منحنى أقوى وأعنف …
ام ياسر زعقى زعقى .. ما هو دة إلى أهلك ربوكى عليه …!! رفعت نورا إصبعها بتحذير وهى تكتم غيظها الذى كان واضحا للعيان فمشاعرها تظهر تماما بملامحها الهادئه … نورا لو سمحتى يا طنط أنا متربيه أحسن تربيه … ام ياسر باستهزاء هه … لأ ما هو باين …. صوتهم العالى أثار إنتباه والد ياسر الذى أقبل بوجه مقتضب تجاه زوجته ونورا فيما إحتدم الصدام بينهم ليتسائل بإستغراب فليس من طبع كلاهما الحدة مطلقا …
والد ياسر فيه إيه ..!! أشارت أم ياسر تجاه نورا بتقزز توضح لزوجها سبب إنفعالها وتقليل نورا من شأنهم … ام ياسر اتفرج على الهانم إللى جايبه لنا بواقى الأكل نأكلها ….!!!!!!! بأعصاب منفلته بدأت نورا بالبكاء غير مسيطرة على إنفعالاتها … نورا محصلش يا عمى … دة أنا عملت حلويات وقلت أنزل لكم منها … لوت أم ياسر فمها وهى تتجنبها قائله … ام ياسر أنا مش عايزة من وشك حاجة … إحتد والد ياسر بقوة لينهى هذا الصدام تافه الأسباب من وجهة نظرة …
والد ياسر خلاص .. الموضوع ميستاهلش … شكرا يا بنتى .. اطلعى إنت شقتك … برجفه قوية إستدارت نورا تخرج من الشقه متجهه لشقتها بالدور العلوى دون نطق كلمة واحدة فيما نظر والد ياسر نحو زوجته يلومها بقوة على إنفعالها الذى لا داعى له … والد ياسر إنت إتجننتى ولا إيه !!!!! …. بتكسرى خاطرها ليه كدة …!!! إستفاقت أم ياسر لنفسها وكأن عقلها كان مغيب تماما بتلك اللحظة المنفعله … ام ياسر والله ما عارفه إيه إللى جرى لى .. محستش بنفسى والله بقولها كدة ليه …!!!!
والد ياسر لا حول ولا قوة إلا بالله … شقه ياسر … أثناء ذلك كان ياسر يكمل محادــ,,ـثته الهاتفية مع كرم الذى أخذ يلح بقوة على معرفة عنوان المدرسة التى تعمل بها نورا وهيام … ياسر بطل جنانك دة إحنا مش فى لندن … كل حاجة هنا ليها أصول ..!!! كرم وأنا عايز الأصول … بس الأول أتأكد منها … شعر ياسر بخطئه لتيسير الأمور على كرم فطباعه الأوربية لا تصح هنا فمازال لنا عاداتنا وتقاليدنا التى تحكمنا حاول ياسر صرف نظر كرم عن الأمر …
