طلاق 2
ياسر أنا برضه غلطان إنى كنت فاهم نيتهم و سبتك تتعاملى معاهم … نورا خلاص والله حرمت .. دة أنا حتى مش عايزة أقعد هنا وح أسافر معاك …. ياسر بسعادة بجد !!! أخيرا اقتنعتى … نورا أيوة يا ياسر … خلاص … لا يمكن أسيبك تانى .. أنا معرفش أعيش من غيرك وعمرى ما ح أسيبك لواحدة تانيه تستفرد بيك ومن غير أعمال ولا سحر كمان … ضحك ياسر على برائتها ونقائها بعد كل ما مرت به فى هذه الأيام …
ياسر مش مهم … أيا كان السبب … المهم إن إنت ح تسافرى معايا … ومن النهاردة نحاول ننسى كل إللى حصل ده ونعتبره لحظات منسيه ونبدأ حياتنا من أول النهاردة من غير أى تدخل من أى حد فى حياتنا …. ويبقى للأحداث بقيه الفصل السادس عشر … بيت الحاج سعيد … جلست هيام بملل وضيق تحاول فقط قضاء بقية الوقت المتبقى من هذا اليوم متأملة حلول الليل الطويل لتخلد إلى النوم بإنتظار قدوم الصباح لبدأ يوم جديد …..
حاولت إشغال باقى يومها بعدة أشياء كلها ليست ذات قيمه حتى لا تفكر بأى شئ يمكن أن يشعرها بما تفقده وتتمناه فليس لها حيلة بذلك … على النقيض تماما وصلت سميرة للتو بعد حماسها لإجراء تلك التجربة مع أمير لتشعر بالبهجة لمشاركته هذا الأمر … دلفت نحو غرفة المعيشة بروح الدعابة الشقيه التى تمتلكها لتجد والديها وأختها هبه يتابعون إحدى حلقات أحد المسلسلات التى تعرض بهذا الوقت … سميرة السلام عليكم … شكلكوا اتغديتوا وسيبتونى صح …!
أجابتها والدتها وهى تشير نحو غرفة هيام … ام هيام إحنا اتغدينا عشان معاد الدوا بتاع أبوك … بس اتغدى إنت وهيام بقى … إتسعت عينا سميرة الواسعتين بتفاجئ لعودة هيام مبكرا اليوم … سميرة هيام …!!! هى جت ….! لوحت هبه بكفها بالهواء وهى تتابع الحلقة بإهتمام دون أن تنحى عيناها عن شاشة التلفاز … هبه من بدرررى .. سميرة غريبة … إيه إللى رجعها بدرى النهاردة هى عيانه ولا إيه …. !! مصمصت والدتها شفتيها بإشفاق قبل أن تردف قائله …
ام هيام مش عارفة يا بنتى شكلها متضايق … حاولت اسألها كالعادة بتقولى مفيش حاجة ….. ابقى شوفيها مالها هى بتحب تتكلم معاك … سميرة ماشى ح أشوفها .. إنتبه الحاج سعيد لحديثهم ليردف قائلا ببعض السعادة يبلغهم فحوى مكالمة السمسار له منذ قليل … الحاج سعيد و ابقى قوليلها يا بنتى أن خلاص الراجل أجر المخزن من أول الشهر إللى جاى … أصلها لسه متعرفش …. ضغطت على حقيبتها التى مازالت معلقة بذراعها إستعدادا للركض قائله بسعادة وهى تتوجه نحو غرفه هيام …
