طلاق 2
وقعت عينا كرم علي تلك الفتاة التى تسترق النظر إليه ليفاجئ بفتاة تشبه هيام لكنها تميل إلى الطفولة أكثر ليست كمثل هيام ساحرته … ابتسم كرم إنت أخت هيام …! تلفتت هبه حولها ثم قالت بهمس …. هبه اششش .. بس ح تفضحنا ..! كرم ضاحكا ليه بس … عملت إيه ….! هبه بابا لو شافنى هنا ح يزعق لى وأنا عايزة أتفرج … إتسعت عينا كرم بدهشة وضحك بذات الوقت فهى طريفة للغاية …
كرم تتفرجى على إيه …! سمعت هبه صوت من خلفها لتنتفض بفزع من مكانها تتلفت نحو مص.در الصوت لتجدها سميرة وقد عادت من عملها متأخرة لشراء بعض احتياجات المنزل عند عودتها … سميرة بدهشة بتعملى إيه هنا …! أخذت هبه تخفى فمها بأصابعها وهى تنهر سميرة بهمس متخوف … هبه لاااااا … إنتوا غاويين فضايح بقى وحتودونى فى داهية …. سميرة بطفولية ليه … ها … ليه ..! هبه بهمس العريس فى الصالون … فور سماعها لتلك العبارة تركت سميرة ما بيدها لتتسلل خلسة هى أيضا لتدنو بأطراف أصابعها كما فعلت هبه من قبل …
سميرة احلفى …!! إزداد إندهاش كرم لرؤيته نسخة ثانية من هيام لكن بالطبع هيام أجمل وأكثر نضجا وأنوثة منهما ليعقب بدهشة … كرم لأ بقى إنتوا كام واحدة …! رفعت سميرة كفيها تلوح بهما من أمامها وهى تضم شفتيها بطريقة طريفة للغاية … سميرة لا خلاص كدة … أنا سميرة ودى هبه … كرم اتشرفنا والله … جاء صوت والدتهم من خلفهم تنهرهم بحدة لتصرفاتهم المخجلة الطفولية لهم .. ام هيام إنتوا واقفين بتعملوا إيه !!!! … امشوا على جوه يلا ….
أسرعت هبه تلحقها سميرة نحو الداخل فى حين خرج والد هيام من غرفته يسير ببطء وتثاقل أثناء إعتذار والدة هيام من كرم عما فعلته إبنتيها …… ام هيام معلش يا إبنى .. الاتنين دول دماغهم مش فيهم طول الوقت كدة .. هو إحنا خلفنا عقل وهدوء زى هيام ربنا يبارك فيها … كرم لأ طبعا يا طنط دول اخواتى براحتهم خالص …. تسائل الحاج سعيد عما حدث سبب إعتذار زوجته …. الحاج سعيد إيه إللى حصل …!!
ام هيام لا أبدا … دنا الحاج سعيد من كرم مصافحا إياه شاحب الوجه يشعر بوهن شديد … الحاج سعيد أهلا يا كرم يا إبنى …. إتفضل استريح … كرم أنا جيت فى معادى يا عمى ويا رب يكون الرد خير … الحاج سعيد خير إن شاء الله … أنا سألت وارتحت فى السؤال والله … وإن شاء الله أنا وهيام وأمها موافقين .. تهدج ص.در كرم بسعادة لتنفرج شفتيه عن إبتسامة عريضة للغاية قائلا …
