اعلن 4الاخير
إلتفتت تتطالعه بقلب يخفق بقوة،رأته يزيل يد البائعة من على يده قائلا بإشمئزاز:
-ياريت تركزى فى شغلك أو هطلب المدير بتاعك يجيلى هنا عشان أقوله على تصرفاتك ال…..
وترك جملته معلقة ليضطرب وجه الفتاة وهي تقول:
-آه..طبعا..احمم..تحت أمرك..هجيب لحضرتك باقى طلباتك.
ابتسمت هاجر بسعادة قبل أن تدلف لحجرة تبديل الملابس..تبدل ملابسها بسرعة ثم تخرج إليهما ليطالعها حسن بدهشة قائلا:
-ملبستيش ليه الفستان ياحبيبتى؟
رمقت البائعة شذرا وهي تناولها الفستان قائلة:
-الحقيقة حسيت الفستان مش نضيف و رخيص أوى فمحبتوش..تعالى نشوف مكان تانى أنضف من هنا ياحبيبى .
اطرقت البائعة برأسها أرضا فى خجل ، فمدت هاجر يدها تمسك بيده وسط دهشته وتسحبه خلفها إلى الخارج حتى وصلا إلى السيارة ليفتح حسن لها الباب فدلفت إليها ، أغلق الباب خلفها واتجه إلى مقعده خلف المقود..كاد أن يدير السيارة ولكنه توقف وهو يلتفت إلى هاجر يقول بتقرير:
-انتى سمعتى اللى حصل جوة..بينى وبين البنت دى.. صح؟
التفتت تتطالعه وهي تومئ برأسها فأسرع يقول:
-صدقينى ياهاجر أنا مليش ذنب ف…
قاطعته واضعة يدها على فمه تقول بحنان:
-عارفة..وانت مش محتاج تبررلى أي حاجة..قلتلك قبل كدة..أنا واثقة فيك ياحسن.
قبل يدها فأبعدتها بخجل ليقول هو بحب:
-لسة واثقة فية بجد ياهاجر ولا بتقولى الكلام ده علشان متزعلنيش؟
طالعته بحب قائلة:
-ثقتى فى حبك لية وانك قادر تتخطى بيه كل حاجة ممكن تقف مابينا ،من غير حدود ياحسن..المهم تكون واثق انت كمان ان حبك لية وحبى ليك هيشفيك.
طالعها بعشق لتشعر بحرارة جسدها تشتعل فتنحنحت قائلة:
-احمم..مش يلا بينا بقى عشان نلحق نجيب الفستان..إتأخرنا ياحسن.
إبتسم وهو يدير السيارة منطلقا بها بسعادة..يشعر بقلبه ينتفض….عشقا.
الفصل السادس والعشرون
فتحت لها الخادمة فألقت عليها التحية بهدوء ثم دلفت إلى الداخل..تبحث بعينيها عن زوجها ووالدته فلم تجدهما بالردهة لتقول الخادمة:
-الهانم الكبيرة والبيه فى أوضة المكتب.
ابتسمت ماجى وهي تومئ برأسها ،إستأذنت الخادمة للعودة إلى أعمالها بالمطبخ ،فاقتربت ماجى من المكتب وكادت أن تدلف إليه فتوقفت يدها على مقبض الباب وهي تسمع السيدة سمية تقول بغضب:
-هي كلمة واحدة يايوسف،ياتتجوز بنت خالتك يااما قلبى وربى غضبانين عليك ،ومش عايزة أشوفك تانى.
