اعلن 4الاخير
قالت زوزا بحنان:
-متقلقش ياحبييى،انا بقيت كويسة خلاص،متخليش اللى حصل زمان يخوفك علية.
أومأ برأسه قائلا:
-معاكى حق،يمكن خوفى من اللى حصل زمان هو اللى مأثر علية ومخوفنى أو….
لتتسع عيونه بخوف فقالت زوزا متوجسة:
-مالك يامجد؟طمنى.
ليترك يدها وهو يضع الشاي على الطاولة أمامه ،يمسك هاتفه بسرعة يطلب رقما وهو يقول:
-اخواتى يازوزا،اخواتى،ألطف ياااارب.
الخاتمة
حاولت سماح ان تخرج من تلك الهوة السحيقة التى تسحبها بقوة تبغى ان تفتح عيونها، ولكن شيئا قويا يمنعها من أن تستطيع فعل ذلك،تناهى إلى مسامعها بعض الأصوات تعرفت عليها على الفور،فكان ذلك صوت ماجى التى تقول بقلق:
-طمنونى عليها أخبارها إيه دلوقتى؟
لتجيبها سمر:
-لسة مفاقتش.
سمعت حسن يقول بحنق:
-منه لله سواق الغبرة ده،لولا الناس حاشته من ايده كنت…
قاطعته هاجر قائلة بغيظ:
-كنت أكيد هتبات فى التخشيبة.
ليقول هادى:
-اهدوا ياجماعة،الحمد لله انها جت على أد كدة.
قال مجد:
-اللهم لك ألف حمد وشكر،كان قلبى حاسس والله،كان قلبى حاسس.
استمعت إلى صوت نسائي غريب،تقول:
-مينفعش التجمع ده فى الأوضة ياجماعة،دكتور هادى.. انت عارف ان ده غلط ، من فضلكم تخرجوا عشان أدى المريضة الحقنة.
قال يوسف:
-خلينا نقعد برة فى الكافيتريا، ونخف الزحمة دى شوية.
ليقول رائف:
-انا عايزك فى موضوع مهم يامجد.
شعرت بلمسة على جبينها ،وصوت أخيها قريبا منها وهو يقول:
-طيب..تعالى نقعد برة ونتكلم.
اختفت الأصوات ثم شعرت بوخزة فى ذراعها قبل أن تستسلم لتلك الهوة السحيقة مجددا ويلفها السواد.
*******************
كان حسام يتطلع إلى الأوراق التى أمامه بتركيز شديد حين طرق الباب فسمح للطارق بالدخول،اقتربت الخطوات منه ثم توقفت امامه ، ليرفع عيونه إليها ،كانت تقف فتاة رقيقة الملامح تتطلع إليه بخجل،لا يدرى لما ذكرته بسماح،تراجع فى مقعده قائلا:
-انتى السكرتيرة الجديدة المنقولة من قسم الحسابات؟
أومأت برأسها قائلة برقة:
-أيوة يافندم.
ابتسم قائلا:
-اسمك نسمة عبد العظيم؟مش كدة؟
أومأت برأسها فقال:
-نسمة ..اممم،اسم جميل .
احمر وجهها خجلا فاتسعت ابتسامته قائلا:
-طيب ،هاتيلى ملفات شركة التيسير يانسمة وتعالى عشان أقولك هتعملى فيهم إيه؟
اومات برأسها موافقة قبل ان تسرع بالمغادرة يتابع خطواتها الرشيقة بعيونه ،وعلى شفتيه ارتسمت ابتسامة رضا.
_____________
