اعلن 4الاخير
كاد أن يعترض ولكن نظرة أدريان حبست اعتراضه داخل صدره..ليهز رأسه موافقا …فى صمت
********************
استيقظت ماجى تشعر بأنها ماعادت وحدها فى سريرها بل انضم إليها أحدهم،نظرت بجوارها لترى هذا الجرو الصغير من فصيلة (الشيواوا )،يطالعها بعيونه الجميلة فارتسمت ابتسامة على شفتيها وشعت عيونها بسعادة وهي تعتدل على الفور تستند إلى وسادتها وتمسك به تقربه من وجهها قائلة:
-مين القمر ؟ها؟وجيت هنا إزاي؟
انتفضت على صوته وهو يقول بحنين:
-أنا اللى جبته.
اتجهت أنظارها إلى مصدر الصوت فوجدته يخرج من هذا الركن المظلم إلى النور يطالعها بإشتياق قائلا:
-جبته لانى عارف أد ايه بتحبى الكلاب..قلت جايز يشفعلى عندك وتلاقى فى قلبك حاجة لية حلوة تخليكى تسامحينى.
رمقته بصمت فاقترب منها قائلا:
-أنا صحيح خذلتك ،كسرتك زي ماقلتيلى بس وعد منى انى هحاول أجبر كسرك بكل قوتى ،وعد منى مش هكون ضعيف أدام والدتى تانى،ومش هبرها على حسابك وحساب سعادتنا،وعد منى ان دموعك الغالية عمرها ماتنزل بسببى تانى،والمرة دى هوفى بوعودى ياماجى..هتقدرى تصدقينى المرة دى وتسامحينى ياحبيبتى؟هتقدرى ترحمينى من عذابى فى بعدك؟
جلس بجوارها يطالعها ينتظر أن تبعث قلبه للحياة بكلماتها،اطمئن قلبه قليلا والحنان يعود لنظراتها ويشع من قسماتها بدلا من تلك البرودة التى كانت تبعث فى قلبه قشعريرة الخوف من أن لا تلين أبدا،تركت جروها بجوارها وهي تمسك يديه بيديها قائلة:
-اللى بيحب بيسامح يايوسف،أنا كمان آسفة وبطلب تسامحنى،أنا حبيتك كدة،زي ماانت ،بطيبة قلبك وحبك لوالدتك ورغبتك فى طاعتها،حبيت فيك قلبك اللى سايعنا كلنا،مش ذنبك ان والدتك شايفاك كتير علية ولا ذنبها هي كمان انها مقدرتش تحبنى،احنا الاتنين تعبناك، وجه الوقت اللى ترتاح فيه،من النهاردة أنا كمان بوعدك إنى مش هضغط عليك تانى بسبب والدتك،وانى هحاول أستوعبها وهسيبك تتعامل معاها زي ما انت شايف،لإنى واثقة إنك مش ممكن هتيجى علية عشان خاطرها ولا هتيجى عليها عشانى.
طالعها بسعادة طاغية عبرت عنها ملامحه وهو يقول:
-أنا قلبى دلوقتى مش قادر يعبر عن اللى جواه ياماجى،أنا حقيقى مش عارف أقولك إيه؟
جذبته إلى أحضانها وضمته برقة قائلة:
-قول انك بتحبنى وبس يايوسف.
أغمض عيناه وهو يتمرغ فى عنقها بوجهه قبل أن يقول بعشق:
-بحبك ياقلب يوسف.
