اعلن 4الاخير
ظهرت السعادة على ملامح الجميع يهنئون بعضهم البعض مقدما.. لتتسلل يد رقيقة تتشابك مع يد مجد تضم أصابعها على أصابعه فنظر إلى عيونها بحب وذاب فى ثغرها حين قالت دون صوت:
-بحبك.
فقال بدوره دون صوت:
-وأنا بموت فيكى.
ولولا وجود المحيطين به لأثبت لها بدليل قاطع …كم يعشقها.
********************
ترجل رائف من سيارته والتف حولها يفتح الباب لسماح التى ترجلت من السيارة بدورها ..ترجل منها مراد ثم بيرى..إحتضنت سماح بيرى بينما سلم مراد على رائف مودعا ..فعادت بيرى إلى السيارة بينما إنطلق مراد لبوابة البناية فودعها رائف برقة قائلا:
-متنسيش ميعادنا بكرة مع وفد الشركة التركية..أنا عارف إن الميعاد مش مناسب لإنه بدرى شوية عن مواعيد الشركة بس …
قاطعته قائلة بإبتسامة:
-كدة كدة أنا بصحى بدرى فمتقلقش..الميعاد مناسب جدا لية.
إبتسم وهو يهز رأسه قبل أن يقول:
-أشوفك بخير.
إبتسمت فعاد رائف إلى سيارته وإنطلق بها بينما تلوح سماح لهما بيدها..ثم إلتفتت تصعد إلى البناية مع ولدها الذى ينتظرها….
بينما كانت هناك عيون تابع صاحبهما ما يحدث بغضب..تشتعل براكين الشر فى قلبه..يدرك انه الآن قادر تماما على إرتكاب …جريمة قتل.
********************
كان الجميع يستمعون بسعادة إلى مراد الذى عادت إليه حيويته ولمعان عينيه وهو يقص عليهم مغامرته اليوم حين انتفضوا على صوت طرقات قوية على الباب ، نهض مجد وفتح الباب بسرعة ليدلف حسام إلى الداخل كالصاروخ يرمقهم بملامح متجهمة قبل أن تستقر عيونه على سماح الذاهلة كالجميع وهو يقول بغضب:
-الظاهر ان الهانم ماصدقت اتطلقت عشان تمشى على حل شعرها ….مش كدة؟انط…
قاطعه صوت مجد الصارم من خلفه وهو يقول :
-كلمة زيادة وقسما بالله يا حسام ماهراعى انك فى بيتى ولا هراعى وجود ابنك وهضربك لغاية لما تستنجد و تقول الحقونى.
إلتفت إليه حسام أثناء حديثه يتطلع إلى ملامح مجد النافرة غضبا يدرك تماما أنه قادر على إبراحه ضربا..ليس وحده بل هذان الاحمقان أيضا خلفه واللذان تأهبا بغضب..ليقول محاولا تمالك أعصابه:
-يعنى انت يرضيك يامجد؟مشوفش ابنى المدة دى كلها ، ولما اجى عشان أشوفه ألاقى أمه نازلة من عربية راجل غريب..فى الوقت ده؟
اقترب منه مجد قائلا بصوت كالفحيح:
-اولا ده مش غريب ،ده المدير بتاعها..ثانيا مكنوش لوحدهم كان معاهم مراد و بيرى وياسمين..ثالثا الوقت مش متأخر ولا حاجة..الساعة لسة ٨..رابعا بقى وده الاهم انت مالك انت..تخصك فى ايه عشان تحاسبها..أبوها..أخوها..انت بالنسبة لها ايه؟….ولا حاجة.
