رسم ابتسامة 1
ألقاها ارضاً هاتفاً : يخربيتك .. ف الكلية انت عايز تودينا ف داهية وبعدين افرض عُدي شافنا.. هيروح يقول لبابا وهتبقى ليلتي طين
اجابه معاذ زافراً : ياعم اخوك دا مش عارف ازاي اصلا انتوا توأم.. انت حاجة وهو حاجة تانية خالص
اشار له عمار بلامبالاه وهو يتابع لينا التي تروح وتجيئ برفقة صديقاتها بينما عينيها لا تبتعد عنه
“مركز انت مع بنت خالتك دي.. هي جامدة وتستاهل بصراحة لا وبتحبك”
رشقه الاخر بنظرة قاتلة ليتابع الاخر بعد ان رفع كفيه في وضع استسلام : ماقصدش معاكسة والله بس يعني بنت خالتك وبتحبك و…
“انت عبيط يامعاذ.. انت فاكر اني هعك مع بنت خالتي”
رفع الاخر كتفيه : وفيها ايه بنت خالتك وحلوة قوي وبتحبك.. ياريتني انا يا اخي كان عندي بنت خالة حلوة كدة وبتحبني
رفع عمار احد حاجبيه بترقب : كنت عملت ايه بقا
اجابه معاذ بهدوء وهو يشعل سيجارته : كنت عملت معاها كل حاجة حرام ولما اتخرج ابقى اتجوزها بقا
حرك رأسه يأساً : انت شيطان والله
“عايز تقولي انك مابتفكرش فيها”
“لا طبعاً انت مجنون دي زي اختي”
ابتعد عمار عنه ليتمتم الاخر ساخراً : اختك!! اما نشوف هتفضل لحد امتى اختك يا شيخ عمار..
***
ابتعد عن صديقه بعد ان عبث برأسه..
تحبه.. نعم يعلم انها تحبه ولم يكن يبالي حتى يوم الحفل
سمع نداء بأسمه وصوتها يقترب منه فألتفت لها قاطباً حاجبيه بضيق لتهمس : ازيك ياعمار
“كويس”
اجابه باردة.. خالية من اي شعور
فهمست بحزن : انت ليه بتعاملني كدة.. على طول مكشر في وشي.. انت لسة زعلان مني بسبب فستاني
اعادت له ذكرى رؤيتها بالفستان وتمنى لو ارتدته مرة ثانية لكن تلك المرة له وحده
تنهد بقوة فتابعت برقة : i’m sorry ماكنتش اعرف اني هضايقك قوي كدة.. بس بجد انا خلاص مابقتش بلبس ضيق حتى شوف
ودارت حول نفسها تريه فستانها الواسع إلا حد ما لكنه يبيح له تخيل ما يخبأه اسفله
اعطاها ظهره ينوي على الرحيل.. لا يريد المكوث معها اكثر من ذلك والا سيحدث ما يخشاه
وجدها تمسك بذراعه فأنتفض غاضباً : ليناااا… ابعدي عن وشي الساعه دي ممكن
رحل مسرعاً وتركها مأخوذة من غضبه الغير مبرر..
هي صغيرة.. اصغر من ان تستوعب لمعة عينيه كذئب جائع ينوي إلتهامها
***
وقف أمام باب منزلها..
يده متردده في الطرق..
دقات قلبه تتسارع ويخشى المواجهة لكنه لا يستطيع
حسم قراره ورفع يده يطرق على الباب
